విజయ్ దేవరకొండ కారుకు యాక్సిడెంట్..ఏంటీ ఈ అపశకునం

జోగులాంబ గద్వాల జిల్లా ఉండవల్లి సమీపంలో సాయంత్రం వేళ అపశ్రుతి చోటుచేసుకుంది. టాలీవుడ్ స్టార్ హీరో విజయ్ దేవరకొండ ప్రయాణిస్తున్న కారు రోడ్డు ప్రమాదానికి గురైంది. ఈ వార్త విని అభిమానులు ఒక్కసారిగా ఉలిక్కిపడ్డారు.

విజయ్ దేవరకొండ తన స్నేహితులతో కలిసి పుట్టపర్తి నుంచి హైదరాబాద్‌కు తిరిగి వస్తుండగా, జోగులాంబ గద్వాల జిల్లాలోని ఉండవల్లి వద్ద ఈ ఘటన జరిగింది. విజయ్ కారును ఎదురుగా వచ్చిన బొలెరో వాహనం బలంగా ఢీ కొట్టింది.

ఘటన తీవ్రత ఎక్కువగా ఉన్నప్పటికీ, అదృష్టవశాత్తు విజయ్ దేవరకొండ సురక్షితంగా బయటపడ్డారు. ఆయనకు ఎలాంటి గాయాలు కాలేదని తెలియడంతో ఫ్యాన్స్ ఊపిరి పీల్చుకున్నారు. ఈ ప్రమాదంలో విజయ్ ప్రయాణిస్తున్న కారు మాత్రం స్వల్పంగా దెబ్బతిన్నట్లు తెలుస్తోంది.

ప్రమాదం జరిగిన వెంటనే, విజయ్ తన కారు దిగి, అక్కడే ఉన్న తన స్నేహితుడి కారులో హైదరాబాద్‌కు ప్రయాణమయ్యారు. ఈ ఘటనపై ఉండవల్లి పోలీసులు కేసు నమోదు చేసి దర్యాప్తు ప్రారంభించారు. బొలెరో వాహనం డ్రైవర్ నిర్లక్ష్యం కారణంగానే ఈ ప్రమాదం జరిగిందని తెలుస్తోంది. విజయ్ దేవరకొండ రెండు రోజుల క్రితమే హీరోయిన్ రష్మికను నిశ్చితార్థం చేసుకున్నారు.రోడ్డు ప్రమాదం నుంచి క్షేమంగా బయటపడటం అభిమానులు ఊపిరి పీల్చుకున్నారు.