'విష్ణు విన్యాసం' ఫస్ట్ రివ్యూ .. గంటన్నర పాటు నాన్ స్టాప్ ఫన్ రైడ్..!

టాలీవుడ్ యంగ్ హీరో శ్రీవిష్ణు వరుస హిట్స్ తో దూసుకెళ్తున్నాడు. యూత్ ఫుల్ ఎంటర్ టైనర్ మూవీస్ తో యువతలో మంచి ఫాలోయింగ్ పెంచుకున్నాడు. తన కామెడీ టైమింగ్, స్టోరీ సెలక్షన్ తో అటు ఫ్యామిలీ ఆడియన్స్ నూ ఆకర్షిస్తున్నాడు. గత కొన్నేళ్లుగా వరుస హిట్స్ తో టాలీవుడ్ ప్రేక్షకుల్ని అలరిస్తున్నాడు. సామజవరగమన, ఓం భీమ్ బుష్, స్వాగ్, సింగిల్ చిత్రాలతో అలరించాడు. ఈ ఏడాది సంక్రాంతికి రిలీజైన నారి నారి నడుమ మురారి సినిమాలో కామియో పాత్రలో మెప్పించాడు శ్రీవిష్ణు.

అయితే ఈ యంగ్ హీరో మరోసారి తన మార్క్ చూపించేందుకు సిద్ధమయ్యాడు. శ్రీవిష్ణు హీరోగా నటించిన 'విష్ణు విన్యాసం' మూవీ ఫిబ్రవరి 27 న ప్రేక్షకుల ముందుకు రానుంది. ఈ చిత్రంలో శ్రీవిష్ణు సరసన నయన సారిక హీరోయిన్ గా నటించింది. ఈ మూవీకి శ్రీ హుసేన్ షా కిరణ్ దర్శకత్వం వహించారు. అయితే ఈ మూవీ రన్ టైమ్ ను తాజాగా చిత్ర బృందం ప్రకటించింది. ఈ మూవీ రన్ టైమ్ కేవలం 1 గంటా 59 నిమిషాలు మాత్రమే ఉంది. ప్రస్తుతం చాలా పెద్ద సినిమాలు రన్ టైమ్ 3 గంటలకు పైగా ఉంటోంది. ఈ నేపథ్యంలో 'విష్ణు విన్యాసం' మూవీకి తక్కువ రన్ టైమ్ ఉండటం గమనార్హం. అయితే అనవసర సీన్స్ కట్ చేసి కేవలం కథ మీదనే మూవీ టీమ్ దృష్టి పెట్టి ఈ చిత్రాన్ని తెరకెక్కించినట్లు తెలుస్తోంది.

ఇక ఈ మూవీ ఫస్ట్ రివ్యూ ప్రస్తుతం నెట్టింట ట్రెండ్ అవుతోంది. 'విష్ణు విన్యాసం' మూవీ తాజాదా సెన్సార్‌ ను పూర్తి చేసుకుంది. ఈ చిత్రానికి సెన్సార్ బృందం 'యూ ఏ' సర్టిఫికేట్‌ ను అందించింది. అంటే 16ఏళ్లపై వయసు ఉన్న వారు ఈ మూవీని చూసే అవకాశం ఉంది. ఇక ఇప్పటికే రిలీజ్ అయిన ఈ మూవీ టీజర్‌, ట్రైలర్ చిత్రంపై పాజిటివ్ బజ్ ను క్రియేట్ చేశాయి.

'విష్ణు విన్యాసం' మూవీ మొత్తం హిలేరియస్‌ ఫన్‌ రైడ్‌ అని టాక్ వినిపిస్తోంది. శ్రీవిష్ణు లెక్చరర్ పాత్రలో అదరగొట్టాడని టాక్ వస్తోంది. ఆయన కామెడీ టైమింగ్ సూపర్ అంటూ నెటిజన్లు కామెంట్స్ పెడుతున్నారు. ఫస్టాఫ్ మొత్తం ఫన్ రైడ్ లా ఉంటుందని.. టాలీవుడ్ సీనియర్ హీరో రాజేంద్ర ప్రసాద్ 'ఆ ఒక్కటీ అడక్కు' మూవీ మాదిరి ఉంటుందని టాక్ వినిపిస్తోంది. ఇక సెకండాఫ్ కూడా అదే రేంజ్ లో కామెడీ సీన్స్ అదిరిపోయాయని కామెంట్స్ వస్తున్నాయి. ఇక ఈ మూవీ ఫుల్ రివ్యూ కోసం మరికొన్ని గంటలు ఆగాల్సిందే..