Fact Check:హైదరాబాదులో రాత్రి 10:30 గంటలకు దుకాణాలు బంద్..?

Fact Check: సోషల్ మీడియాతో మంచి ఎంతైతే ఉందో చెడు కూడా అంతే సమానంగా ఉంది. మంచి కంటే చెడు వేగంగా సోషల్ మీడియాలో విస్తరిస్తోంది. ఏదైనా ఒక ఘటనకు సంబంధించి ఒక పోస్టు పెడితే చాలు అది వైరల్‌గా మారుతోంది. దీంతో సామాన్య ప్రజలు అదే నిజమని భావిస్తున్నారు. దీనిపై ప్రభుత్వాలు ఎన్ని చర్యలు తీసుకున్నప్పటికీ ఈ తప్పుడు ప్రచారాలు మాత్రం ఆగడం లేదు. తాజాగా ఇలాంటి వార్తే ఒకటి సోషల్ మీడియాలో హల్చల్ చేసింది. ఇంతకీ ఆ వార్తేంటి.. దానిపై అధికారులు ఎలాంటి క్లారిటీ ఇచ్చారు..?

రాత్రి 10:30 గంటలకు షాపులు బంద్

హైదరాబాదులో అన్ని దుకాణాలను లేదా షాపింగ్ సెంటర్లను రాత్రి 10:30 గంటలు లేదా 11 గంటలకు మూసివేస్తున్నారన్న వార్త సోషల్ మీడియాలో వైరల్ అవుతోంది. దీంతో ప్రజలు కాస్త ఆందోళనకు గురయ్యారు. ఈ వార్త సోషల్ మీడియాలో వైరల్‌గా మారడంతో హైదరాబాద్ పోలీస్ శాఖ రంగంలోకి దిగి ప్రచారంలో ఉన్న ఈ వార్తపై క్లారిటీ ఇచ్చింది. సోషల్ మీడియా వేదికగా జరుగుతున్న ఈ ప్రచారాన్ని ఖండించిన హైదరాబాద్ సిటీ పోలీస్... అలాంటిదేమీ లేదని క్లారిటీ ఇచ్చింది. ఇదివరకటిలానే అమలులో ఉన్న నిబంధనల ప్రకారమే షాపులు ఇతర దుకాణాలు తెరిచి ఉంటాయని పోలీసులు స్పష్టతను ఇచ్చారు.

The recent social media news making rounds that city police are closing shops by 10.30 or 11 pm are totally misleading.

The shops and establishments will open/close as per the already existing rules only.

Hence the same may be noted by all.

— Hyderabad City Police (@hydcitypolice) June 24, 2024

పొరబడిన ఎంపీ అసదుద్దీన్

సోషల్ మీడియాలో ప్రచారం అవుతున్న వార్తను చూసి హైదరాబాదు ఎంపీ అసదుద్దీన్ ఓవైసీ కూడా పొరబడ్డారు. హైదరాబాదులో అర్థరాత్రి 12 గంటల వరకు దుకాణాలు తెరిచి ఉంచేలా చర్యలు తీసుకోవాలని డిమాండ్ చేశారు. దేశంలోని ఇతర మెట్రో నగరాల్లో షాపింగ్ సెంటర్లు రాత్రంతా తెరిచే ఉంటాయని చెప్పుకొచ్చారు.రాత్రి వేళల్లో ఇరానీ ఛాయ్ హోటల్లు, పాన్ షాప్‌లు ఇతర వాణిజ్యపరమైన దుకాణాలు తెరిచి ఉంచేలా చర్యలు తీసుకోవాలంటూ ఎక్స్‌ పై పోస్టు చేశారు. ఈ పోస్టులో తెలంగాణ డీజీపీని, హైదరాబాద్ సీపీని ట్యాగ్ చేశారు. ఇప్పటికే ఆర్థికంగా ఇబ్బందుల్లో ఉన్నామంటూ చెప్పుకొచ్చారు ఓవైసీ.

.@TelanganaDGP @CPHydCity could such an announcement be made by police in Jubilee Hills? Whether they are Irani chai hotels or pan shops or commercial establishments, they should be allowed to remain open till 12 AM at least. In any case, there should be a uniform policy across… https://t.co/bw7kVyYLvF

— Asaduddin Owaisi (@asadowaisi) June 24, 2024

మొత్తానికి హైదరాబాదు నగరంలో రాత్రి 10 గంటలు లేదా 11 గంటలకు దుకాణాలు బంద్ చేస్తున్నారన్న వార్త నగర ప్రజలను ఆందోళనకు గురిచేసింది. ఇక స్వయంగా పోలీసు శాఖే ఆ వార్తలో నిజం లేదని స్పష్టత ఇవ్వడంతో ప్రజలు ఊపిరి పీల్చుకున్నారు.

English summary

Hyderabad Police condemns the news that is making rounds on social media that the shops and establishments in Hyderabad will close by 10:30 or 11Pm.