చిత్రం కాదు: ప్రియురాలితో భర్తకు పెళ్లి చేసిన భార్య!
తూర్పుగోదావరి: ఓ యువతితో 8ఏళ్లుగా ఓ యువకుడు ప్రేమాయణం సాగిస్తున్నాడు. అయితే, తప్పనిసరి పరిస్థితుల్లో ఆ యువకుడు మరో యువతిని పెళ్లి చేసుకోవాల్సి వచ్చింది. కాగా, వాస్తవం గ్రహించిన అతడి భార్య పెద్ద మనసు చేసుకుని.. అతడి ప్రియురాలితో దగ్గరుండి భర్త వివాహం జరిపించింది. ఇదేమీ
సినిమాను తలపించేలా జరిగిన ఈ ఘటన తూర్పు గోదావరి జిల్లా ఏజెన్సీలోని రాజవొమ్మంగి గ్రామంలో మంగళవారం రాత్రి చోటు చేసుకుంది.
వివరాల్లోకి వెళితే.. రాజవొమ్మంగి గ్రామానికి చెందిన భూముల అప్పారావుకు, అదే గ్రామానికి చెందిన ఓ యువతితో పెద్దలు స్థానిక శ్రీకోదండ రాముల వారి ఆలయంలో వివాహం జరిపించారు.
అప్పారావు తప్పనిసరి పరిస్థితుల్లో ఆ యువతిని పెళ్లి చేసుకున్నాడు. కాగా, అప్పారావు, అతడు ప్రేమించిన భాను వ్యవహారం తెలిసిన అతడి భార్య వారి వివాహానికి అంగీకరించింది.
అంతేగాక, వారి పెళ్లిని పెద్దల సమక్షంలో దగ్గరుండి జరిపించింది. ముగ్గురు ఇష్టపడటంతోనే ఈ పెళ్లి జరిపించామని స్థానిక పెద్దలు తెలిపారు. ప్రేయసిని పెళ్లాడేందుకు భార్యే ఒప్పుకోవడంతో ఆ యువకుడు ప్రియురాలి మెడలో ఆనందంగా తాళి కట్టాడు.
Click it and Unblock the Notifications
Sign in with Google