జీవితకు చిరంజీవి కమెడియన్ లా కన్పిస్తున్నాడా?

మహా పర్వతం వంటి చిరంజీవిని ఢీకొంటున్నట్టు వాచకాల ద్వారా ప్రదర్శన ఇస్తున్నా, హీరో రాజశేఖర్, జీవితలకు రాజకీయంగా బ్రేక్ వచ్చే అవకాశాలు కన్పించడం లేదు. గ్రేటర్ ఎన్నికల ప్రచారంలో చిరంజీవి సభలకు రొడ్ షోలకు విపరీతంగా జనం రావడంపై ఆ పుణ్య దంపతులు వ్యాఖ్యానిస్తూ కమెడియన్లు వెళ్ళినా జనం వస్తారని అన్నారు. ఈ వ్యాఖ్యలపై చిరంజీవి అభిమానులు తీవ్రంగా స్పందిస్తున్నారు. రాజశేఖర్ దంపతులు ఇప్పటికే హద్దులు మీరారని, ఇంకా ఎక్కువ మాట్లాడితే ఎన్నో రహస్యాలు బయటపెట్టవలసి ఉంటుందని వీరు బ్లాగుల ద్వారా హెచ్చరిస్తున్నారు. తాజాగా రాజశేఖర్ కారు డ్రైవర్ అనుమానాస్పద మృతిని వారు ప్రస్తావిస్తున్నారు.

కాంగ్రెస్ పార్టీలో జీవితా రాజశేఖర్ లకు ఇంతవరకు ఒక పదవంటూ లేదు. రోజాకు కూడా లేదు. అందుకే ఆమె ఈమధ్య ఏమీ మాట్లాడడం లేదు. కానీ పుణ్య దంపతులు మాత్రం ఏ హోదాలో కాంగ్రెస్ తరఫున ఇతరులపై లొల్లి చేస్తున్నారో అర్ధం కావడం లేదన్న విమర్శలు విన్పిస్తున్నాయి.