అమెరికాలోనూ స్వామి అదే తంతు!

రాసలీలల నిత్యానంద స్వామిపై అమెరికాలోనూ కేసులు దాఖలవుతున్నాయి. నిత్యానందకు అమ్మాయిలు, మహిళలు తప్ప మరో లోకం తక్కువని ఆయన అమెరికన్ భక్తుడు డౌగ్లా మెక్ కెల్లర్ కాలిఫోర్నియా స్టేట్ అటార్నీ జనరల్ కు ఫిర్యాదు చేశారు. ఎన్ లైటెన్ మెంట్ పేరుతో నిత్యానంద పెద్ద మొత్తంలో డబ్బు వసూలు చేసి మాస్ ఫ్రాడ్ కు పాల్పడ్డారని ఆయన్ ప్రధానంగా పేర్కొన్నారు. నిత్యానంద యువతులను "పూలు" అని సంబోధించేవారని, అందులోనే బూతు ఉందని ఆయన ఫిర్యాదు చేశాడు.

అమెరికాలో ఉన్నప్పుడు కూడా పురుష భక్తులను త్వరత్వరగా పంపేసి, మహిళా భక్తులతోనే ఆయన ఎక్కువ కాలం గడిపేవారని ఆయన వెల్లడించాడు. అమెరికాలోని నార్ వాక్, మాంట్ క్లెయిర్ లోని తన ఆశ్రమాల్లో నిత్యానంద మహిళలతోనే ఎక్కువగా గడిపేవారని ఆయన ఫిర్యాదు చేశాడు. మహిళలను లోబరచుకోడానికి నిత్యానంద కొన్ని టిక్స్ ప్రయోగిస్తాడని, తన గురించి అన్నీ తెలిసిన స్వామికి సర్వం అర్పించుకుంటే తప్పేమిటని వారు అనుకునేట్టు చేస్తాడని మెక్ కెల్లర్ వివరించాడు.