జగన్ కోవర్టు వ్యాఖ్యలపై బొత్స సెటైర్

By Pratap

Published: Friday, May 20, 2011, 11:29 [IST]

ముఖ్యమంత్రి కిరణ్ కుమార్ రెడ్డి మంత్రివర్గంలో వైయస్సార్ కాంగ్రెసు పార్టీ అధ్యక్షుడు వైయస్ జగన్ కోవర్టులున్నారనే వ్యాఖ్యలపై మంత్రి బొత్స సత్యనారాయణ సెటైర్లు విసిరారు. తాను కూడా జగన్ కోవర్టునేనని ఆయన వ్యంగ్యంగా అన్నారు. ఉత్తరాంధ్రకు చెందిన ఇద్దరు మంత్రులు కోవర్టులుగా పనిచేస్తున్నారని అంటున్నారు కదా, అందులో తానూ ఉన్నానని ఆయన అన్నారు. ముఖ్యమంత్రి తీరుపై ఆయన అసహనానికి ఇది అద్దం పడుతోంది. గాలి కబుర్లు వద్దని ఆయన ఆగ్రహం వ్యక్తం చేశారు.

కాగా, కాంగ్రెసు ఆంధ్రప్రదేశ్ వ్యవహారాల ఇంచార్జీ గులాం నబీ ఆజాద్‌పై కూడా విసుర్లు విసిరారు. గులాం నబీ ఆజాద్ సమన్వయకర్త మాత్రమేనని ఆయన అన్నారు. ఆజాద్ మందో, టానికో కారని ఆయన అన్నారు. ఎవరో వచ్చి తమకు చెప్పాల్సిన అవసరం లేదని కుండబద్దలు కొట్టారు.

Published On May 20, 2011