డిఎస్ ఎంపిక, కిరణ్‌కు గుండె దడ

By Pratap

Published: Monday, October 24, 2011, 9:51 [IST]

తమిళనాడు గవర్నర్‌గా వెళ్లడానికి కె. రోశయ్య ఖాళీ చేసిన ఎమ్మెల్సీ సీటుకు పిసిసి మాజీ అధ్యక్షుడు డి. శ్రీనివాస్‌ను ఎంపిక చేయడం ద్వారా కాంగ్రెసు హైకమాండ్ వ్యూహాత్మకంగా వ్యవహరించింది. ఇది ముఖ్యమంత్రి కిరణ్ కుమార్ రెడ్డికి గుండె దడను పుట్టించేదనే అంటున్నారు. అత్యంత సంయమనంతో వ్యవహరించే డి. శ్రీనివాస్‌ను కిరణ్ కుమార్ రెడ్డికి చెక్ పెట్టేందుకే ఎమ్మెల్సీగా ఎంపిక చేసినట్లు తెలుస్తోంది. పిసిసి అధ్యక్షుడు బొత్స సత్యనారాయణ డి. శ్రీనివాస్‌కు ఈ విషయంలో అనుకూలంగా వ్యవహరించడం కూడా అందుకేనని అంటున్నారు.

తెలంగాణ సమస్యను పరిష్కరించడంలో డిఎస్‌ను వాడుకోవడానికే కాకుండా అవసరమైతే కిరణ్ కుమార్ రెడ్డి స్థానంలో ఆయనను కూర్చోబెట్టడం కూడా సాధ్యమవుతుందనేది అధిష్టానం అంచనా అంటున్నారు. పిసిసి అధ్యక్షుడిగా డిఎస్ తెలంగాణపై అత్యంత సంయమనంతో వ్యవహరించడమే కాకుండా అధిష్టానానికి నమ్మిన బంటుగా ఉన్నారు. గతంలో వైయస్ ముఖ్యమంత్రిగా ఉన్నప్పుడు అత్యంత రహస్యంగా పిసిసి అధ్యక్షుడిగా డిఎస్‌ను ఎంపిక చేసి అధిష్టానం అందరినీ ఆశ్చర్యపరిచింది.

Published On October 24, 2011