జూనియర్ ఎన్టీఆర్ బక్రా బనేగా?

By Pratap

Published: Sunday, September 11, 2011, 10:19 [IST]

అపర చాణక్యుడిగా పేరు పొందిన నారా చంద్రబాబు నాయుడు దాటికి జూనియర్ ఎన్టీఆర్ గిజగిజలాడే పరిస్థితి వచ్చింది. తాత వారసత్వంపై కన్నేసిన జూనియర్ ఎన్టీఆర్ ఆశలపై నీళ్లు చల్లేందుకు చంద్రబాబు నాయుడు పకడ్బందీ వ్యూహాన్ని రచించి అమలు చేస్తున్నట్లు కనిపిస్తోంది. జూనియర్ ఎన్టీఆర్ ఎంత సేపూ తమతో ఉండడానికి ఇష్టపడితే తెలుగుదేశం పార్టీ ప్రచారానికి మాత్రమే పరిమితం కావాలని చంద్రబాబు ఆచరణలో చూపించబోతున్నారు. లేకుంటే, ఒంటరి అయినా ఆశ్చర్యం లేదని అంటున్నారు.

బాలకృష్ణను రాజకీయాల్లోకి తేవడం ద్వారా ఇప్పటి నుంచే జూనియర్ ఎన్టీఆర్‌కు చెక్ పెట్టే కార్యక్రమాన్ని చంద్రబాబు అనుసరిస్తున్నట్లు చెబుతున్నారు. స్వయానా మామ అయిన బాలకృష్ణ తదనంతర కాలంలో నారా లోకేష్ ప్రత్యక్ష రాజకీయాలను ప్రోత్సహిస్తారే తప్ప వ్యతిరేకించరనే విషయం తెలిసి కూడా జూనియర్ ఎన్టీఆర్ ముందుకు దూకితే తీవ్రంగా దెబ్బ తింటారని అంటున్నారు.

Published On September 11, 2011