ఆసిన్‌ను భయపెట్టిన సల్మాన్ ఖాన్

అందాల తార ఆసిన్‌కు బాలీవుడ్ కండల వీరుడు సల్మాన్ ఖాన్‌తో నటించే మరో అవకాశం వచ్చింది. లండన్ డ్రీమ్స్ తర్వాత ఆమె సల్మాన్‌తో మళ్లీ నటించబోతోంది. సల్మాన్‌తో పని చేయడం ఉత్సాహంగా ఉంటుందని, అయితే తనను అతను ఎప్పుడూ ఆట పట్టిస్తుంటాడని, ఆ రకంగా తనను భయపెడుతుంటాడని ఆసిన్ ఓ ఇంటర్వ్యూలో చెప్పింది. లండన్ డ్రీమ్స్ షూటింగ్ సందర్భంగా సల్మాన్ తన చేష్టల ద్వారా తనను భయపెట్టిన ఓ ఉదంతాన్ని తెలిపింది. థాయ్‌లాండ్‌లో షూటింగ్ జరుగుతున్న సమయంలో తర్వాతి దృశ్య చిత్రీకరణకు వానిటీ వ్యాన్‌ను నుంచి దిగుతున్న సమయంలో తన చేతిలో ఏదో పట్టుకుని సల్మాన్ కనిపించడాని చెప్పిది.

డోర్ తీయగానే సల్మాన్ ఓ జుగుప్సాకరమైన పురుగును పట్టుకుని కనిపించాడని, దాన్ని తినాలని పట్టుబట్టాడని చెప్పింది. అయితే, ఆ పురుగును థాయ్‌లాండ్ ప్రజలు తింటారని ఆ తర్వాత తనకు తెలిసిందని ఆమె చెప్పింది. తమ క్ర్యూ మెంబర్స్ కొంత మంది దాన్ని తినడానికి ప్రయత్నించారని, తాను కూడా ప్రయత్నించానని ఆమె చెప్పింది. ఏమైనా, ఆడవాళ్లకు వల వేయడంలో సల్మాన్‌ది అందె వేసిన చేయి అని వేరే చెప్పకర్లేదు.

English summary

The gorgeous Asin will again sizzle on the big screen with Salman Khan after their stint in London Dreams.