కూరగాయలతో కనిపెడుతున్న టిఆర్ఎస్!

By Srinivas

Published: Sunday, September 25, 2011, 16:10 [IST]

సకల జనుల సమ్మె ఉధృత రూపం దాల్చుతోంది. అయినప్పటికీ పలువురు ఉద్యోగులు సమ్మెలో పాల్గొనకుండా విధులకు హాజరవుతున్నారు. అయితే కార్యాలయాలకు వెళ్లి వారిని బెదిరించి విధుల నుండి బయటకు పంపిస్తున్నారు. పనిలో పనిగా పని చేస్తున్న వారు ఆంధ్రా ఉద్యోగులా తెలంగాణ ఉద్యోగులా కూడా కనుక్కొనే ప్రయత్నాలు చేస్తున్నారు. అయితే తెలుసుకోవడం కష్టంగా మారింది. వారితో మాట్లాడించి వారు ఏ ప్రాంతం వారో తెలుసుకోవడం కష్ట సాధ్యమవుతోంది.

దీంతో కార్యాలయాల్లో పని చేస్తున్న ఆంధ్రా ఉద్యోగులను కనిపెట్టడానికి తెలంగాణ రాష్ట్ర సమితి నేతలు కొత్త పద్ధతి కనిపెట్టారట! కార్యాలయాలలోకి కూరగాయలు తదితరాలు తీసుకు వెళ్లి దాని పేరు చెప్పమంటున్నారు. కూరగాయల పేర్లు పలకడంలో ఆంధ్రా - తెలంగాణ వారికి చాలా తేడా ఉంటుంది. దీన్ని బట్టి వారు ఏ ప్రాంతం వారో తెలంగాణవాదులు ఇట్టే కనిపెడుతున్నారట! ఇటీవల హరీష్ రావు అలాగే కనిపెట్టారు.

Published On September 25, 2011