కానిస్టేబుల్ రేసులో పీహెచ్‌డీ అభ్యర్ధులు

హైదరాబాద్: నిరుద్యోగులను ఆదుకునే క్రమంలో తెలంగాణ ప్రభుత్వం రాష్ట్ర పోలీస్ శాఖలోని ఆయా విభాగాల్లో 9281 కానిస్టేబుల్ భర్తీకి చేపట్టిన నియామక ప్రక్రియలో ఆన్‌లైన్ దరఖాస్తుల స్వీకరణ గురువారంతో ముగియనుంది. జనవరి 11న ప్రారంభమైన దరఖాస్తుల ప్రక్రియకు నిరుద్యోగ యువత నుంచి భారీ స్పందన వచ్చింది.

మంగళవారం సాయంత్రం 7 గంటల వరకు 4.20 లక్షల దరఖాస్తులు వచ్చాయి. బుధ, గురు వారాల్లో వచ్చే దరఖాస్తులతో కలిపి ఈ సంఖ్య 4.50 లక్షలు దాటే అవకాశం ఉందని అధికారులు భావిస్తున్నారు. దీంతో ప్రిలిమినరీ పరీక్ష ఏర్పాట్లపై నియామక బోర్డు అధికారులు దృష్టి సారించారు.

ఏప్రిల్‌ 3న మధ్యాహ్నం 2.30 నుంచి సాయం

త్రం 5.30 గంటల వరకు ప్రిలిమినరీ పరీక్ష నిర్వహించనున్నారు. ఆన్‌లైన్‌ అప్లికేషన్‌లో ఫోటో, సంతకంలో మార్పులు చేసుకునే వారు ప్రిలిమినరీ పరీక్షకు తమ వెంట తప్పనిసరిగా ఏదైనా ప్రభుత్వ గుర్తింపు కార్డుని తీసుకు రావాలని అధికారులు సూచించారు.

ప్రిలిమినరీలో అర్హత సాధించిన వారికి ఆ తర్వాత మూడు దశల్లో జరిగే శరీర ధారుడ్య, రాత పరీక్ష ద్వారా శిక్షణకు ఎంపిక చేయనున్నారు. ఇదిలా ఉంటే తెలంగాణలో కానిస్టేబుల్ పోస్టులకు డిమాండ్ పెరిగింది. పీహెచ్‌డీ, ఎంబీఏ, ఎంటెక్‌ వంటి ఉన్నత విద్యలు అభ్యసించిన వాళ్లు కూడా కానిస్టేబుల్ ఉద్యోగాలకు దరఖాస్తు చేసుకోవడం విశేషం.

విద్యార్హత	దరఖాస్తులు
టెన్త్‌	19,542
ఇంటర్‌	1,78,917
బీఏ	21,786
బీకాం	31,943
బీ-ఫార్మసీ	1793
బీఎస్సీ	28,810
బీఎస్సీఅగ్రికల్చర్‌	28
బీటెక్‌	19,621
బీబీఎం	198
బీసీఏ	125
ఎంఏ	2531
ఎంకామ్‌	1454
ఎం-ఫార్మసీ	366
ఎంఫిల్‌	11
ఎమ్మెస్సీ	3597
ఎంటెక్‌	1002
ఎంబీఏ	7508
ఎంసీఏ	1408
పీహెచ్‌డీ	5
ఇతరత్రా	7428
మొత్తం	3,28,073

English summary

PhD, MPhil scholars apply for constable jobs in Telangana.