హాట్.. హాట్.. 'వెల్లుల్లి గుడ్డు కారం'.. ఈజీగా ఎలా తయారు చేసుకోవాలి..?

వేడి వేడి అన్నంలో 'వెల్లుల్లి గుడ్డు కారం' సూపర్ టేస్టీగా ఉంటుంది. ఈ రెసిపీని కేవలం 10 నిమిషాల్లో ప్రిపేర్​ చేసుకోవచ్చు. నోటికి రుచిగా ఉంటుంది. పెద్దలు, పిల్లలు ఈ ఫుడ్ ను తింటారు. మరి వెల్లుల్లి గుడ్డు కారం ఎలా తయారు చేసుకోవాలి. దీనికి కావాల్సిన పదార్థాలు ఏంటి..? వెల్లుల్లి గుడ్డు కారానికి కావాల్సిన పదార్థాలు.. కోడిగుడ్లు, కారం - రుచికి సరిపడా(2 టేబుల్​స్పూన్లు, వెల్లుల్లి, జీలకర్ర, నూనె, మినపప్పు, శనగపప్పు, ఎండుమిర్చి, ఉప్పు తగినంత, పసుపు, కొత్తిమీర తరుగు తీసుకోవాలి.

తయారీ విధానం చూస్తే.. తయారీ విధానం కోసం.. ముందుగా వెల్లుల్లి కారం తయారు చేసుకోవాలి. ముందుగా మిక్సీలో కారం, వెల్లుల్లి, ఉప్పు, జీలకర్ర, కచ్చాపచ్చాగా గ్రైండ్​ చేసుకోవాలి. ఆ తర్వాత ఉల్లిపాయలను కట్ చేసుకోవాలి. ఆ తర్వాత స్టవ్ ఆన్ చేసి గిన్నె పెట్టుకుని అందులో నూనె పోసుకోవాలి. అందులో ఆవాలు, జీలకర్ర, మినపప్పు, శనగపప్పు వేసి వేయించాలి. తాలింపు గింజలు వేసుకోవాలి. ఉల్లిపాయలు వేగాక ఉప్పు, పసుపు, కరివేపాకు వేసి కలపాలి. ఆ తర్వాత ఉల్లిపాయలు బాగా వేగిన తర్వాత వాటిని పాన్​లోని అంచుల వైపు ఉంచాలి. ఇప్పుడు పాన్​ మధ్యలో నూనె ఉంటుంది.

అందులో కోడిగుడ్లు వేసి లైట్ ​గా కలిపి మూత పెట్టి ఉడికించాలి. కోడిగుడ్లు ఉడికించిన తర్వాత చిన్నచిన్న ముక్కలుగా చేసుకోవాలి. గుడ్డును ముక్కలుగా చేసుకున్న తర్వాత ఉల్లిపాయలు, గుడ్డు మిశ్రమాన్ని కలిపి ఫ్రై చేసుకోవాలి. కోడి గుడ్లు ముక్కలు ఎర్రగా మారిన తర్వాత గ్రైండ్​ చేసిన వెల్లుల్లి కారం వేసి కలిపి మగ్గించాలి. ఆ తర్వాత చివరిలో కొత్తిమీర తరుగు వేస్తే వెల్లుల్లి గుడ్డు కారం రెడీ అయినట్లే..