health tips: పీరియడ్ టైంలో విపరీతమైన కడుపునొప్పి; తగ్గటానికి ఈ చిట్కాలు ట్రై చెయ్యండి !!
చాలామంది మహిళలు పీరియడ్స్ టైం లో విపరీతమైన కడుపు నొప్పి అనుభవిస్తూ ఉంటారు. పొత్తి కడుపు నొప్పితో చాలా బాధపడుతూ ఉంటారు. ఏ పని చేసుకోలేని పరిస్థితి వారికి ఆ సమయంలో ఉంటుంది. పీరియడ్ వచ్చిన తర్వాత నాలుగు రోజుల పాటు వారు తీవ్రమైన పొత్తికడుపు నొప్పి అనుభవిస్తూ ఇబ్బంది పడతారు.
ఇటువంటి వారు కొన్ని నేచురల్ రెమిడీస్ ను పాటిస్తే విపరీతంగా వచ్చే పొత్తి కడుపు నొప్పి నుంచి కాస్త ఉపశమనం పొందవచ్చని చెబుతున్నారు. పీరియడ్స్ సమయంలో గర్భాశయ కండరాలు సంకోచానికి గురి అయితే దీనివల్ల నొప్పి కలుగుతుంది. మహిళల్లో పీరియడ్స్ సమయంలో స్త్రీల అండాశయాలలో ప్రోస్టాగ్లాండిన్ అనే హార్మోన్ ఉత్పత్తి అవుతుంది. ఇది ఆ ప్రాంతంలో నొప్పికి కారణమౌతుంది.
తీవ్రమైన నొప్పితో ఇబ్బందిపడేవారు చిన్నచిన్న చిట్కాలను పాటించటం వల్ల కాస్త నొప్పి నుండి ఉపశమనం కలుగుతుంది. పీరియడ్స్ సమయంలో పుష్కలంగా నీటిని తాగడం వల్ల శరీరం హైడ్రేట్ గా ఉంటుంది. కాబట్టి నీటిని ఎక్కువగా తాగాల్సిన అవసరం ఉంది. పీరియడ్స్ వచ్చిన సమయంలో వచ్చే కడుపు నొప్పి నుంచి ఉపశమనం పొందడం కోసం పీరియడ్స్ రావడానికి ముందు బొప్పాయి పండు తినడం ఎంతగానో ఉపయోగపడుతుంది.
బొప్పాయి పండులో ఉండే యాంటీ ఇన్ఫ్లమేటరీ గుణాలు సంకోచించిన పొత్తికడుపు కండరాలు తిరిగి సాధారణ స్థితికి తీసుకు వస్తాయి. బొప్పాయిలో క్యాల్షియం, విటమిన్ ఏ, విటమిన్ సి తో పాటు ఐరన్ అధిక మోతాదులో లభిస్తుంది. కాబట్టి బొప్పాయి పండ్లు తినడం నొప్పి నుండి ఉపశమనానికి దోహదం చేస్తుంది.
అంతేకాదు పొత్తి కడుపు నొప్పిని తగ్గించడంలో బెల్లం కూడా ఎంతో బాగా పనిచేస్తుంది. అప్పుడప్పుడు కొద్దిగా బెల్లం తినడం వల్ల శరీరం బలాన్ని సంతరించుకుంటుంది. పీరియడ్ టైం లో రక్తస్రావం వల్ల శరీరం బలహీనపడుతుంది. అయితే బెల్లం తినడం వల్ల శరీరానికి కావాల్సిన సోడియం, పొటాషియం వంటి ముఖ్యమైన పోషకాలు అందుతాయి బెల్లంలో పొత్తి కడుపు నొప్పిని తగ్గించడానికి సహాయపడే యాంటీ ఇన్ఫ్లమేటరీ గుణాలు, యాంటీ సాస్మోడిక్ లక్షణాలు ఉంటాయి.
disclaimer: ఈ కథనం వైద్య నిపుణుల సలహాలు, ఇంటర్నెట్ లో అందుబాటులో ఉన్న సమాచారం ఆధారంగా రూపొందించబడినది. దీనిని oneindia ధ్రువీకరించలేదు.
Click it and Unblock the Notifications
Sign in with Google