'వెయిట్ లాస్ సూప్'.. ఇలా చేసుకుని తాగితే వెయిట్ లాస్ గ్యారంటీ..!!

బరువు తగ్గడం అనేది ఇప్పుడు అందరినీ వేధిస్తున్న సమస్య. ప్రస్తుతం ఉన్న జీవనశైలి, ఉరుకులు పరుగుల జీవితం, వర్క్ స్ట్రెస్ తదితర కారణాలతో బరువు పెరగడం సాధారణం అయిపోయింది. ఏమీ తినకున్నా బరువు పెరుగుతున్నవారి సంఖ్య కూడా చాలానే ఉంది. ఇక వెయిట్ లాస్ కోసం అనేక మంది జిమ్ ల చుట్టూ తిరుగుతుంటారు. అయితే ఎలాంటి జిమ్ అవసరం లేకుండా ఇంట్లోనే ఆరోగ్యకరమైన సూప్ చేసుకుని తాగడం వల్ల ఈజీగా వెయిట్ లాస్ అవుతుంది. మరి వెయిట్ లాస్ సూప్ తయారీకి కావాల్సిన పదార్థాలు ఏంటి..? తయారీ విధానం ఏంటి..?

వెయిట్ లాస్ సూప్ తయారీకి కావాల్సిన పదార్థాలు చూస్తే.. ఒక కప్పు తాజా మునగాకును తీసుకోవాలి. దాంతోపాటు 4- 5 వెల్లుల్లి రెబ్బలు, రుచికి సరిపడా ఉప్పు, మిరియాల పొడి, తగినన్ని నీళ్లు తీసుకోవాలి. ఇక మునగాకు సూప్ తయారీ విధానం చూస్తే.. ముందుగా ఓ గిన్నెలో మునగాకు, వెల్లుల్లి రెబ్బలను వేసి తగినన్ని నీళ్లు పోయాలి. ఇప్పుడు బాగా ఉడికించుకోవాలి. ఆ మిశ్రమాన్ని బ్లెండర్ లో వేసి మెత్తగా గ్రైండింగ్ చేసుకోవాలి.

ఇప్పుడు ఈ మిశ్రమంలో రుచికి సరిపడా ఉప్పు, మిరియాల పొడి, తగినన్ని నీళ్లు కలిపి మళ్లీ గిన్నెలో పోయాలి. ఇప్పుడు సిమ్ లో పెట్టుకుని కొద్దిసేపు మరిగించుకోవాలి. అలాగే నీళ్లు అవసరం అనుకుంటే యాడ్ చేసుకోవచ్చు. ఇక ఈ మునగాకు సూప్ ను రాత్రి డిన్నర్ కు బదులుగా తాగొచ్చు. అలా నెల రోజుల పాటు ఈ సూప్ తాగితే వెయిట్ లాస్ అవుతారని నిపుణులు చెబుతున్నారు.