కర్కాటక రాశి, వృషభరాశి సెప్టెంబరు నెల జాతక ఫలం
గ్రహాలు నిర్దిష్ట సమయంలో ఒక రాశి నుంచి మరో రాశికి సంచారం చేస్తుంటాయి. ఇలా సంచారం చేసే క్రమంలో కొన్ని అద్భుత యోగాలను ఏర్పరుస్తుంటాయి. వీటివల్ల కొన్ని రాశులకు సానుకూల ఫలితాలు, మరికొన్ని రాశులకు మిశ్రమ ఫలితాలు కలుగుతుంటాయి. సెప్టెంబరు నెలకు సంబంధించి కర్కాటక రాశి, వృషభరాశి జాతక ఫలం ఎలా ఉందనే వివరాలను తెలుసుకుందాం.
వృషభ రాశి (కృత్తిక 2, 3, 4 పాదాలు, రోహిణి 1, 2, 3, 4 పాదాలు, మృగశిర 1, 2 పాదాలు)
ఈ నెల వృషభ రాశి వారికి మిశ్రమ ఫలితాలు ఇస్తుంది. నెల ద్వితీయార్థంలో శుభ పరిణామాలు ఎక్కువగా ఉంటాయి. ఆఫీసులో పనిభారం పెరుగుతుంది. సహోద్యోగులతో అనవసర వాదనలకు దూరంగా ఉండటం మంచిది. స్థానచలనం లేదా అదనపు బాధ్యతలు పొందే అవకాశం ఉంది. నెల చివరి వారంలో అధికారుల నుండి గుర్తింపు లభిస్తుంది. ఆదాయం స్థిరంగా ఉన్నప్పటికీ, అనుకోని ఖర్చులు పెరుగుతాయి.
వ్యాపారవేత్తలకు కొత్త పెట్టుబడులకు ఇది అనుకూల సమయం కాదు. పాత బాకీలు నిదానంగా వసూలవుతాయి. కుటుంబంలో శుభకార్యాల చర్చలు జరుగుతాయి. జీవిత భాగస్వామితో చిన్నపాటి మనస్పర్థలు రావచ్చు. జీర్ణవ్యవస్థ, కంటికి సంబంధించిన చిన్నపాటి ఆరోగ్య సమస్యలు వచ్చే అవకాశం ఉంది కాబట్టి ఆహార నియమాలు పాటించాలి. లక్ష్మీదేవి పూజ చేయడం లేదా ప్రతిరోజూ కనకధారా స్తోత్రం పారాయణ చేయడం వల్ల ఆర్థిక చిక్కులు తొలగుతాయి.
కర్కాటక రాశి (పునర్వసు 4వ పాదం, పుష్యమి 1, 2, 3, 4 పాదాలు, ఆశ్లేష 1, 2, 3, 4 పాదాలు)
కర్కాటక రాశి వారికి ఈ నెల అత్యంత అనుకూలంగా, ఉత్సాహభరితంగా సాగుతుంది. ఉద్యోగంలో పదోన్నతి లేదా అను అనుకూలమైన మార్పులు వచ్చే సూచనలు ఉన్నాయి. నిరుద్యోగులకు మంచి అవకాశాలు లభిస్తాయి. మీ పనితీరుతో పై అధికారులను మెప్పిస్తారు. ఆర్థిక స్థితి గణనీయంగా మెరుగుపడుతుంది. రావాల్సిన మొండి బాకీలు వసూలవుతాయి.
వ్యాపారంలో నూతన భాగస్వామ్యాలు, ఒప్పందాలు కలిసివస్తాయి. ఆస్తి లేదా వాహనం కొనుగోలు చేసే ఆలోచనలు నెరవేరుతాయి. కుటుంబంలో సంతోషకర వాతావరణం నెలకొంటుంది. బంధుమిత్రుల మద్దతు లభిస్తుంది. ఆరోగ్యం బాగుంటుంది, పాత ఆరోగ్య సమస్యల నుండి ఉపశమనం పొందుతారు. విద్యార్థులు పోటీ పరీక్షల్లో మంచి ఫలితాలు సాధిస్తారు. సోమవారం శివునికి అభిషేకం చేయడం లేదా శివాష్టకం చదవడం వల్ల మానసిక ప్రశాంతత, మరింత శుభఫలితాలు లభిస్తాయి.
Click it and Unblock the Notifications
Sign in with Google