జన్మ నక్షత్రం పుబ్బ, ఉత్తర ఉన్నవారి మే నెల జాతక ఫలం

తెలుగు సంప్రదాయం, వేద జ్యోతిష్య శాస్త్రం ప్రకారం జన్మ నక్షత్రానికి అత్యంత ప్రాధాన్యత ఉంది. ఒక వ్యక్తి పుట్టినప్పుడు చంద్రుడు ఏ నక్షత్రంలో ఉంటే, దాన్నే ఆ వ్యక్తి 'జన్మ నక్షత్రం' అని పిలుస్తారు. జాతక చక్రం మొత్తం ఈ జన్మ నక్షత్రం ఆధారంగానే నిర్మించబడుతుంది. జ్యోతిష్య శాస్త్రం ప్రకారం చంద్రుడు మనస్సుకు అధిపతి. కాబట్టి, పుట్టినప్పుడు చంద్రుడు ఉన్న నక్షత్రం ఆ వ్యక్తి ఆలోచనా తీరును, ప్రవర్తనను, స్వభావాన్ని నిర్ణయిస్తుంది. మనకు తెలుగులో 27 నక్షత్రాలున్నాయి.

ఇవి కాకుండా ఉత్తరాషాఢ, శ్రవణా నక్షత్రాల మధ్య సూక్ష్మమైన అభిజిత్ నక్షత్రం ఉంటుంది. శుభ ముహూర్తాల కోసం దీన్ని పరిగణనలోకి తీసుకుంటారు. నక్షత్రం మాత్రమే మొత్తం జాతకాన్ని నిర్ణయించదు. జాతక చక్రంలో ఉండే లగ్నం, ఇతర గ్రహాల స్థితి , అవి ఇచ్చే దృష్టి కూడా ఫలితాలను మారుస్తాయి. అందుకే నక్షత్రాన్ని జాతకానికి పునాదిగా తీసుకుంటారు. వ్యక్తిగత జాతకంలోని గ్రహ స్థితులు, దశలను బట్టి ఫలితాల్లో అప్పుడప్పుడు స్వల్ప మార్పులు చోటుచేసుకునే అవకాశం ఉంటుంది.

పుబ్బ నక్షత్రం (పూర్వ ఫల్గుణి, సింహ రాశి)

పుబ్బ నక్షత్రానికి అధిపతి శుక్రుడు. శుక్రుడు సంపదకు కారకుడు. మే నెలలో వీరికి శుభ ఫలితాలు అధికంగా ఉన్నాయి. మీరు చేసే పనుల్లో నూతన ఉత్సాహం కనిపిస్తుంది. పై అధికారుల నుండి ప్రశంసలు అందుతాయి. గతంలో ఆగిపోయిన ప్రమోషన్లు లేదా ఇంక్రిమెంట్ల విషయంలో సానుకూల నిర్ణయాలు వెలువడే అవకాశం ఉంది. ఆదాయ మార్గాలు పెరుగుతాయి. విలాసవంతమైన వస్తువుల కొనుగోలు కోసం డబ్బు ఖర్చు చేయడం మానుకోవాలి. కళాకారులు, మీడియా రంగంలో ఉన్నవారికి ఈ నెల ఆర్థికంగా చాలా లాభదాయకంగా ఉంటుంది.

కుటుంబంలో సంతోషకరమైన వాతావరణం నెలకొంటుంది. జీవిత భాగస్వామితో ఉన్న విభేదాలు తొలగిపోతాయి. శుభకార్యాల కోసం ప్రయాణాలు చేస్తారు. ఆరోగ్యం బాగుంటుంది కానీ ఆహార నియమాలు కచ్చితంగా పాటించాలి. వేడి వల్ల వచ్చే చిన్న ఇబ్బందులు కలుగుతాయి. ప్రతి శుక్రవారం మహాలక్ష్మి అష్టకం పఠించడం లేదా లక్ష్మీదేవికి ఎర్రని పుష్పాలతో పూజ చేయడం వల్ల మరిన్ని శుభ ఫలితాలు పొందుతారు.

ఉత్తర నక్షత్రం (ఉత్తర ఫల్గుణి, సింహ రాశి 1వ పాదం & కన్యా రాశి 2, 3, 4 పాదాలు)

ఉత్తర నక్షత్రానికి అధిపతి గ్రహాలకు రాజైన సూర్యుడు. ఈ నెల వీరికి బాధ్యతలు పెరిగే అవకాశం ఉంది. పనితీరు మెరుగుపడుతుంది. కొత్త ప్రాజెక్టులు మీ చేతికి అందుతాయి. ప్రభుత్వ సంబంధిత పనులు చేసే వారికి ఈ నెల చాలా అనుకూలంగా ఉంది. పని ఒత్తిడి వల్ల మానసిక అలసట కలగకుండా జాగ్రత్త వహించాలి. ధ్యానం చేస్తుండాలి. ఆర్థిక పరిస్థితి స్థిరంగా ఉంటుంది. పాత బాకీలు వసూలవుతాయి. రియల్ ఎస్టేట్ రంగంలో ఉన్న వారికి మే నెల ద్వితీయార్థంలో మంచి లాభాలు వస్తాయి.

తోబుట్టువులతో సఖ్యత పెరుగుతుంది. తండ్రి ఆరోగ్యం పట్ల శ్రద్ధ వహించాలి. సంతానానికి సంబంధించి తీసుకునే నిర్ణయాలు భవిష్యత్తులో మంచి ఫలితాలనిస్తాయి. కంటికి సంబంధించిన సమస్యలు లేదా తలనొప్పి వంటి ఇబ్బందులు ఉంటాయి. సరైన నిద్ర పోవడంతోపాటు తగినంత విశ్రాంతి అవసరం. ప్రతి రోజూ ఉదయం సూర్యాష్టకం పఠించడం లేదా సూర్య నమస్కారాలు చేయడం వల్ల ఆత్మవిశ్వాసం పెరుగుతుంది. గ్రహ దోషాలు తొలగిపోతాయి.

English summary

Horoscope: Individuals whose birth stars are Pubba or Uttara will find additional sources of income during the month of May. Health issues related to body heat, caused by the scorching sun, may arise. Disputes between husband and wife will subside. You will undertake journeys in connection with auspicious events.