జన్మ నక్షత్రం ధనిష్ట, శతభిష ఉన్నవారి మే నెల జాతక ఫలం
తెలుగు సంప్రదాయం, వేద జ్యోతిష్య శాస్త్రం ప్రకారం జన్మ నక్షత్రానికి అత్యంత ప్రాధాన్యత ఉంది. ఒక వ్యక్తి పుట్టినప్పుడు చంద్రుడు ఏ నక్షత్రంలో ఉంటే, దాన్నే ఆ వ్యక్తి 'జన్మ నక్షత్రం' అని పిలుస్తారు. జాతక చక్రం మొత్తం ఈ జన్మ నక్షత్రం ఆధారంగానే నిర్మించబడుతుంది. జ్యోతిష్య శాస్త్రం ప్రకారం చంద్రుడు మనస్సుకు అధిపతి. కాబట్టి, పుట్టినప్పుడు చంద్రుడు ఉన్న నక్షత్రం ఆ వ్యక్తి ఆలోచనా తీరును, ప్రవర్తనను, స్వభావాన్ని నిర్ణయిస్తుంది. మనకు తెలుగులో 27 నక్షత్రాలున్నాయి. ఇవి కాకుండా ఉత్తరాషాఢ, శ్రవణా నక్షత్రాల మధ్య సూక్ష్మమైన అభిజిత్ నక్షత్రం ఉంటుంది. శుభ ముహూర్తాల కోసం దీన్ని పరిగణనలోకి తీసుకుంటారు.
నక్షత్రం మాత్రమే మొత్తం జాతకాన్ని నిర్ణయించదు. జాతక చక్రంలో ఉండే లగ్నం, ఇతర గ్రహాల స్థితి , అవి ఇచ్చే దృష్టి కూడా ఫలితాలను మారుస్తాయి.అందుకే నక్షత్రాన్ని జాతకానికి పునాదిగా తీసుకుంటారు. వ్యక్తిగత జాతకంలోని గ్రహ స్థితులు, దశలను బట్టి ఫలితాల్లో అప్పుడప్పుడు స్వల్ప మార్పులు చోటుచేసుకునే అవకాశం ఉంటుంది. 2026లో కుంభ రాశి వారికి ఏలినాటి శని ప్రభావం తగ్గుముఖం పట్టడం, గురు గ్రహ అనుకూలత వల్ల ఈ నెల చాలా కీలకమైన మార్పులకు వేదిక కానుంది.
ధనిష్ట నక్షత్రం
కుజుడు అధిపతిగా ఉండే ఈ నక్షత్రం వారికి మే నెల విజయాలను అందిస్తోంది. కార్యాలయంలో మీ నాయకత్వ లక్షణాలకు మంచి గుర్తింపు లభిస్తుంది. క్లిష్టమైన ప్రాజెక్టులను చాకచక్యంగా పూర్తి చేస్తారు. వ్యాపారస్తులకు మే 15 తర్వాత కొత్త కాంట్రాక్టులు దక్కే అవకాశం ఉంది. రియల్ ఎస్టేట్, టెక్నాలజీ రంగాల్లో ఉన్నవారికి ఈ నెల అత్యంత లాభదాయకంగా ఉంటుంది. ఆదాయం బాగుంటుంది కానీ ఖర్చులు కూడా అదే స్థాయిలో ఉంటాయి. ముఖ్యంగా గృహోపకరణాలు లేదా వాహన మరమ్మతుల కోసం డబ్బు వెచ్చించాల్సి రావచ్చు.
దీర్ఘకాలిక పెట్టుబడులకు ఈ నెల అనుకూలం. సోదరులతో ఉన్న ఆస్తి వివాదాలు ఒక కొలిక్కి వస్తాయి. ఆరోగ్యం విషయంలో జాగ్రత్త అవసరం. ముఖ్యంగా రక్తం లేదా కండరాలకు సంబంధించిన చిన్నపాటి ఇబ్బందులు తలెత్తుతాయి. క్రమం తప్పకుండా వ్యాయామం చేయడం మంచిది. మంగళవారం సుబ్రహ్మణ్య స్వామిని పూజించడం, 'కార్తికేయ అష్టకం' పఠించడం వల్ల అడ్డంకులు తొలగుతాయి.
శతభిషం నక్షత్రం
రాహువు అధిపతిగా ఉండే ఈ నక్షత్రం వారికి మే నెల మంచి విజ్ఞానాన్ని అందిస్తోంది. వృత్తిపరంగా కొన్ని ఆకస్మిక మార్పులు సంభవిస్తాయి. మీరు ఊహించని విధంగా కొత్త బాధ్యతలు చేపట్టాల్సి రావచ్చు. పరిశోధన, వైద్యం, విదేశీ వాణిజ్య రంగాల్లో ఉన్నవారికి ఈ నెల అద్భుతమైన ఫలితాలను ఇస్తుంది. మీ ఐడియాలకు పై అధికారుల నుండి ప్రశంసలు అందుతాయి. మే ద్వితీయార్థంలో ఆకస్మిక ధనలాభం కలిగే సూచనలు కనపడుతున్నాయి. గతంలో నిలిచిపోయిన సొమ్ము చేతికి అందుతుంది. షేర్ మార్కెట్ లేదా రిస్క్ ఉన్న పెట్టుబడుల విషయంలో ఇతరుల మాటలు విని తొందరపడవద్దు. ఆలోచించి నిర్ణయం తీసుకోవాలి.
ఆధ్యాత్మిక యాత్రలు లేదా దూర ప్రయాణాలు చేస్తారు. కుటుంబ సభ్యుల మధ్య ఉన్న మనస్పర్థలు తొలగిపోతాయి. జీర్ణక్రియ సంబంధిత సమస్యలు రావచ్చు.. ఆహార నియమాలు పాటించండి. శనివారం రోజు శివాలయంలో నువ్వుల నూనెతో దీపం వెలిగించడం, 'రాహు కాలం'లో దుర్గాదేవిని పూజించడం వల్ల శుభ ఫలితాలు కలుగుతాయి. శతభిషం నక్షత్రంలో రాహువు సంచరిస్తుండటం వల్ల ఈ నక్షత్రం వారికి మేధోశక్తి పెరుగుతుంది కానీ కొన్నిసార్లు మానసిక గందరగోళం కలగొచ్చు. నిర్ణయాలు తీసుకునే ముందు పెద్దల సలహా తీసుకోవడం ఉత్తమం.
Click it and Unblock the Notifications
Sign in with Google