వంటగదిలో ఈ తప్పులు చేస్తున్నారా...? అయితే దరిద్రం పొమ్మన్న పోదు
ఇంట్లో పూజగది మనసుకు ప్రశాంతతను ఇస్తే, వంటగది శరీరానికి శక్తిని, కుటుంబానికి ఐశ్వర్యాన్ని ఇస్తుంది. అందుకే వాస్తు శాస్త్రంలో వంటగదికి అత్యంత ప్రాధాన్యత ఉంది. వంటగది కేవలం ఆహారం వండుకునే చోటు మాత్రమే కాదు, అది ఇంటి 'ఆర్థిక ఆరోగ్య కేంద్రం'. అక్కడ మనం చేసే చిన్న చిన్న పొరపాట్లు కుటుంబ సభ్యుల ఆరోగ్యంపై, ఆర్థిక స్థితిపై ప్రభావం చూపుతాయని వాస్తు నిపుణులు హెచ్చరిస్తున్నారు.
సరైన దిశ - శుభ ఫలితాలు
వాస్తు ప్రకారం, వంటగదికి అత్యంత అనువైన దిశ ఆగ్నేయం. దీనిని అగ్ని మూల అంటారు. ఇక్కడ వంటగది ఉండటం వల్ల ఇంట్లో సానుకూల శక్తి పెరుగుతుంది. ఒకవేళ అక్కడ వీలు కాకపోతే వాయవ్యం రెండో ఎంపిక. కానీ పొరపాటున కూడా ఈశాన్యం లేదా ఉత్తర దిశలో వంటగది ఉండకూడదు.
అగ్ని - నీరు: పొత్తు కుదరదు
చాలామంది చేసే పెద్ద తప్పు స్టవ్ పక్కనే సింక్ లేదా నీటి పాత్రలను ఉంచడం. అగ్ని, నీరు పరస్పర విరుద్ధమైనవి. ఇవి ఎదురెదురుగా లేదా పక్కపక్కనే ఉంటే ఇంట్లో అనవసర కలహాలు, మనస్పర్థలు పెరుగుతాయని వాస్తు చెబుతోంది. వంట చేసేటప్పుడు ఎప్పుడూ తూర్పు ముఖంగా ఉండి వంట చేయడం వల్ల ఆరోగ్యం, ఆయుష్షు పెరుగుతాయి.
రంగులు - పాత్రల అమరిక
వంటగదిలో గోడలకు పసుపు, నారింజ లేదా లేత ఆకుపచ్చ వంటి రంగులు వేయడం వల్ల ఉత్సాహం పెరుగుతుంది. నలుపు, ముదురు బూడిద రంగులను నివారించడం మంచిది.చపాతీ పాన్ (తవ్వా) వంటి పాత్రలను గోడలకు వేలాడదీయడం అశుభంగా భావిస్తారు. ఇది ఆర్థిక స్థిరత్వాన్ని దెబ్బతీస్తుందని నమ్మకం.బరువైన సరుకులను ఎప్పుడూ దక్షిణ లేదా పశ్చిమ దిశలో నిల్వ ఉంచాలి.
పరిశుభ్రతే ప్రాణాధారం
వంట పూర్తయిన తర్వాత పాత్రలను సింక్లో పేరుకుపోనివ్వకూడదు. ముఖ్యంగా రాత్రిపూట ఎంగిలి పాత్రలను అలాగే వదిలేస్తే లక్ష్మీదేవి అనుగ్రహం తగ్గుతుందని పెద్దలు చెబుతారు. స్టవ్ పైన ఖాళీ పాత్రలను ఉంచడం, వేడి పాత్రలో వెంటనే నీళ్లు పోయడం వంటివి అరిష్టంగా భావిస్తారు.
గుర్తుంచుకోండి, వంటగది ఎంత శుభ్రంగా, వాస్తుబద్ధంగా ఉంటే మీ ఇల్లు అంతా అంత సంపన్నంగా, ఆరోగ్యంగా ఉంటుంది. ఇవన్నీ తరతరాలుగా వస్తున్న నమ్మకాలు.. వీటిని పాటిస్తూ మీ ఇంటిని ఆనంద నిలయంగా మార్చుకోండి.
Click it and Unblock the Notifications
Sign in with Google