క్రోధి నామ ఉగాది పంచాంగం: మకరరాశి వారికి ఈ ఏడాది బ్రహ్మాండం!!
క్రోధి నామ సంవత్సరంలో మకర రాశి వారి జాతకం ఏ విధంగా ఉంటుంది. మకర రాశి వారి ఆదాయ వ్యయాలు ఎంత? మకర రాశి వారికి ఏ రంగంలో కలిసి వస్తుంది? ఏ రంగంలో ఇబ్బంది ఉంటుంది? వంటి అనేక అంశాలను ఉగాది పంచాంగం ఆధారంగా తెలుసుకుందాం.
మకరరాశి జాతకుల ఆదాయ వ్యయాలిలా
మకర రాశి జాతకులకు ఆదాయం 14 వ్యయం 14 గా ఉంది. రాజపూజ్యం 3 అవమానం 6 గా ఉంది. మకర రాశిలో ఈ సంవత్సరం బృహస్పతి ఐదవ స్థానంలో, శని రెండవ స్థానంలో, రాహువు మూడవ స్థానంలో సంచరిస్తున్నారు. కేతువు భాగ్య స్థానంలో సంచరిస్తున్నారు.
మకరరాశి జాతకులకు ఈ ఏడాది బ్రహ్మాండం
బృహస్పతి పంచమ స్థానంలో సంచరించడం వల్ల, తృతీయంలో ఉన్న రాహువు కూడా అనుకూలించడం వల్ల మకర రాశి వారికి ఈ సంవత్సరం బ్రహ్మాండంగా ఉంటుంది. ఉద్యోగస్తులకు ఉద్యోగుల అనుకూల వాతావరణంతో పాటు, గతంతో పోల్చుకుంటే వ్యాపారస్తులకు కూడా ఈ సంవత్సరం లాభదాయకంగా ఉంటుంది.
ఆర్థికపరంగా
ఆర్థికపరమైన ఇబ్బందులు నుండి మకర రాశి జాతకులు ఈ సంవత్సరం బయటపడతారు. అయితే ఏలినాటి శని ప్రభావంతో అప్పుల బాధలు అధికంగా ఉన్నప్పటికీ, బృహస్పతి పంచమంలో ఉండడం వల్ల సానుకూల ఫలితాలు వస్తాయి. ఆర్థిక పరంగా కొంత పురోగతి కనిపిస్తుంది. ఈ సంవత్సరం దైవారాధన చేయడం వల్ల మకర రాశి వారు ఆర్థిక పరంగా శుభ ఫలితాలను పొందుతారు.
కుటుంబ పరంగా
కుటుంబ పరంగా మకర రాశి జాతకులకు ఈ సంవత్సరం సానుకూలంగా ఉంటుంది. ఈ సంవత్సరం ప్రేమ విషయంలో మకర రాశి జాతకులకు అనుకూలంగా ఉంది. జీవిత భాగస్వామితో సంతోషంగా గడుపుతారు. ప్రేమ వ్యవహారాలు సత్ఫలితాలను ఇస్తాయి. విదేశీప్రయాణాలు చేయాలనుకునే కుటుంబ సభ్యులకు ఈ సంవత్సరం అనుకూలంగా ఉంటుంది.
కెరీర్ పరంగా
మకర రాశి జాతకులు ఈ సంవత్సరం ఉద్యోగ పరంగాను ఉత్తమ ఫలితాలను చూస్తారు. నిరుద్యోగులకు ఉద్యోగాలు లభిస్తాయి. ఉద్యోగాలు చేసే వారికి ధన లాభం, ప్రమోషన్లు కలుగుతాయి, సినీ, మీడియా రంగాల వారికి మధ్యస్థం నుండి అనుకూల ఫలితాలు కలుగుతాయి. విద్యార్థులకు కూడా ఈ సంవత్సరం లాభదాయకంగా ఉంటుంది. గత కొంతకాలంగా ఉద్యోగంలో ఉన్న అనేక సమస్యలు తొలగి ప్రమోషన్లు వస్తాయి.
ఆరోగ్యపరంగా
మకర రాశి జాతకులకు ఈ సంవత్సరం ఆరోగ్యపరంగా పురోగతి కనిపిస్తుంది. పెద్దగా అనారోగ్య సమస్యలు వేధించవు. పంచమంలో గురు గ్రహ అనుకూలత వల్ల చాలా కాలంగా వేధిస్తున్న అనారోగ్య సమస్యల నుండి ఉపశమనం లభిస్తుంది. ఆరోగ్యంతో పాటు సౌఖ్యం, సంతోషం రెండు ఉంటాయి.
disclaimer: ఈ కథనం వాస్తు, జ్యోతిష్య నిపుణుల సలహాలు, ఇంటర్నెట్ లో అందుబాటులో ఉన్న సమాచారం ఆధారంగా రూపొందించబడినది. దీనిని oneindia ధ్రువీకరించలేదు.
Click it and Unblock the Notifications
Sign in with Google