అద్భుత యోగాలతో మాఘ గుప్త నవరాత్రులు 2024 నేటినుండే; ప్రత్యేకతలివే!!

మాఘ మాసంలోని శుక్ల పక్షంలో వచ్చే మాఘ నవరాత్రులను గుప్త నవరాత్రులు అంటారు. 2024 సంవత్సరం మాఘమాసంలో గుప్త నవరాత్రులు నేడు (ఫిబ్రవరి 10) నుండి ప్రారంభమై ఫిబ్రవరి 18వ తేదీన ముగుస్తాయి. గుప్త నవరాత్రులలో దుర్గాదేవి యొక్క పది రూపాలను పూజించాలి. అమ్మవారి పది మహావిద్యలను శక్తి రూపంలో పూజిస్తే, జీవితంలో సంపద మరియు శ్రేయస్సు వెల్లివిరుస్తుందని చెప్తున్నారు.

ఇక గుప్త నవరాత్రుల పూజకు సంబంధించిన నియమాలు దేవీ భాగవతంలో వ్రాయబడ్డాయి. గుప్త నవరాత్రులలో అమ్మవారిని కాళికా దేవిగా, తారా దేవి, త్రిపుర సుందరి, భువనేశ్వరి, చిన్నమాస్తా, త్రిపుర భైరవి, ధూమావతి, బగ్లాముఖి, మాతంగి మరియు కమలా దేవిగా 10 రూపాలలో పూజిస్తారు.మాఘ గుప్త నవరాత్రుల సందర్భంగా నేడు ఘటస్థాపనకు శుభ సమయం ఉదయం 8:30 నుండి 10:15 వరకు ఉంటుంది.

ఈ సంవత్సరం మాఘ గుప్త నవరాత్రులు చాలా అరుదైన ఖగోళ అమరికతో ఉన్నాయి. మాఘ శుక్ల ప్రతిపదాన్ని సూచించే ఫిబ్రవరి 10వ తేదీ నుండి, ఇది ధనిష్ట నక్షత్రం మరియు వారియన్ యోగంతో సమలేఖనం అవుతుంది. అంతేకాకుండా, ఈ మాఘ గుప్త నవరాత్రులు అత్యంత పవిత్రమైన గ్రహ ఆకృతీకరణలకు సాక్ష్యమిస్తుందని చెప్తున్నారు. ఇది చాలా ప్రత్యేకమైనదిగా చెప్తున్నారు.

ముఖ్యంగా, ఈ నవరాత్రులలో, ఐదు రవియోగాలు, నాలుగు జయయోగాలు, రెండు సర్వార్థ సిద్ధి యోగాలు, రెండు సర్వార్థ అమృత సిద్ధి యోగాలు మరియు ఒక త్రిపుష్కర సిద్ధి యోగం అరుదైన కలయికగా ఏర్పడతాయని చెప్తున్నారు . అందువలన ఈ మాఘ గుప్త నవరాత్రులు చాలా విశేషమైనవిగా చెప్తున్నారు.

ఏడాదికి మొత్తం నాలుగు నవరాత్రులు ఉంటాయి. ఈ నాలుగు నవరాత్రులు రుతువులు మారే సమయంలో జరుపుకుంటారు. చైత్ర మరియు శరత్ మాసాలలో జరుపుకునే నవరాత్రి ఉత్సవాలు కాకుండా ఆషాడ మరియు మాఘ మాసాలలో రెండు గుప్త నవరాత్రి ఉత్సవాలు కూడా జరుగుతాయి. గుప్త నవరాత్రుల సమయంలో మంత్ర- తంత్ర అభ్యాసానికి ప్రత్యేకమైన ప్రాధాన్యత ఉంటుంది. తాంత్రిక విద్యను అభ్యసించేవారు, అఘోరీలు, రహస్య విద్యలలో ఆరి తేరాలని భావించేవారు ఈ గుప్త నవరాత్రులలోనే సాధన చేస్తారు.

English summary

With amazing yogas..Magha Gupt Navratri 2024 is starting from today itself. Magha Gupta Navratri has many special features.