శని వల్ల షడష్టక యోగం.. ఈ రాశుల వారికి దుర్భరం!
అంగారక గ్రహం రాశిని మార్చి కర్కాటక రాశిలోకి ప్రవేశించబోతోంది. దీనివల్ల శని షడష్టక యోగం ఏర్పడుతుంది. అయితే ఈ యోగం కొన్ని రాశులకు మంచిదికాదు.. వారికి కష్టాలను తెచ్చిపెడుతుంది. ఆ రాశులేంటో తెలుసుకుందాం.
వేద జ్యోతిష్యం ప్రకారం చంద్రుడి రాశి అయిన కర్కాటకంలోకి అంగారక గ్రహం వెళ్లినప్పుడు బలహీనపడుతుంది. చంద్రుడు జలానికి, అంగారకుడు అగ్నికి చెందినవారు. మే 10వ తేదీన కుజుడు కర్కాటక రాశిలోకి ప్రవేశించి జులై ఒకటో తేదీ వరకు అక్కడే ఉంటాడు. ఈ సమయంలోనే శని షడష్టక యోగం ఏర్పడుతుంది. ప్రధానంగా మూడు రాశులవారికి ఇది మంచిది కాదు.. ఆ వివరాలు తెలుసుకుందాం.
మిథునరాశి : అంగారకుడి సంచారం మిథున రాశి వారికి ఇక్కట్లు తెచ్చిపెడుతుంది. ఆస్తికి సంబంధించి ఏదైనా వివాదం ఉంటే అది మరింత తీవ్రరూపం దాలుస్తుందికానీ పరిష్కారమవదు. కోర్టు కేసులకు హాజరు కావాల్సి రావచ్చు. ఎక్కడైనా సంతకం పెట్టే విషయంలో ఒకటికి రెండుసార్లు ఆలోచించి నిర్ణయం తీసుకోవాలి. కుటుంబంలో విభేదాలు తలెత్తుతాయి. డబ్బు పెట్టుబడి విషయంలో మరింత జాగరూకత అవసరం.
సింహరాశ : ఈ రాశిలోని 12వ ఇంట్లో అంగారకుడి సంచారం ఉంటుంది. బలహీనమైన రాశిలో కుజుడు సంచరించడం వల్ల ఖర్చులు పెరగడంతోపాటు అనవసర ప్రయాణాలు చేస్తారు. కన్న తల్లి ఆరోగ్యం దెబ్బతింటుంది. మానసిక ఆరోగ్యం ఎక్కువవుతుంది. భవన నిర్మాణ కార్యకలాపాలు కూడా మీకు ఇబ్బందిని కలగజేయడంతోపాటు ఇక్కట్లకు గురిచేస్తుంది. విదేశాల్లో నివసించేవారు మరింత జాగ్రత్తగా ఉండాల్సి ఉంటుంది.
ధనుస్సు రాశి : ధనస్సు రాశిలో 8వ ఇంట్లో కుజుడి సంచారం ఉంటుంది. దీనివల్ల ఆరోగ్యానికి సంబంధించిన సమస్యలు తలెత్తుతాయి. బ్లడ్ ఇన్ఫెక్షన్ సమస్య ఉన్న వారు జాగ్రత్తగా ఉండాలి. అత్త మామలతో ఎటువంటి ఆర్థిక లావాదేవీలు లేకుండా చూసుకోవాలి. వైవాహిక జీవితంలో విభేదాలు తలెత్తుతాయి. భార్యతో గొడవ పడకుండా సంయమనం పాటించడం అవసరం. డబ్బును పెట్టుబడి పెట్టే విషయంలో ఎంతో తెలివిగా, జాగ్రత్తగా వ్యవహరించాలి.
Click it and Unblock the Notifications
Sign in with Google