ఈ రాశులకు రాజయోగం.. నాలుగు నెలలు కనక వర్షం

రాశి చక్రం అంతా శనీశ్వరుడి అధీనంలోకి వస్తుండటంతో ఫిబ్రవరి నెల నుంచి గ్రహం బలం పెరుగుతుంది. ప్రధాన గ్రహాలైన కుజుడు, శుక్రుడు, బుధుడు, రవి మకర రాశిలోకి ప్రవేశిస్తారు. శని తన సొంత స్థానమైన కుంభంలోనే ఉండటంతోపాటు గురువును వీక్షిస్తాడు. ఈ పరిణామాలవల్ల ఎక్కువ గ్రహాలు శనిదేవుడి పరిధిలోకి వస్తాయి. ఈ ప్రభావం నాలుగు నెలలు ఉంటుంది. దీనివల్ల కర్కాటకం, సింహం, వృశ్చికం, మకరం, కుంభం, మీన రాశివారికి శని దోషం తొలగిపోతుంది. సంపద పెరగడంతోపాటు వ్యక్తిగత సమస్యలన్నీ పరిష్కారమవుతాయి.

కర్కాటక రాశి
ప్రతి పని సకాలంలో పూర్తవుతుంది. పెళ్లి, ఉద్యోగ ప్రయత్నాలు విజయవంతమవుతాయి. ఇంట్లో శుభకార్యాలున్నాయి. ఆదాయం పెరుగుతుంది. ఆర్థికంగా ఏ పని తలపెట్టిన విజయం సాధిస్తారు.

సింహరాశి
జీవితంలో శుభ పరిణామాలు చోటుచేసుకుంటాయి. ప్రముఖులతో పరిచయాలు జరుగుతాయి. ఆస్తుల విలువ పెరగడంతోపాటు రాజకీయాల్లో ఉన్నవారికి రాజయోగం కలుగుతుంది. ఆదాయ ప్రయత్నాల్లో విజయం సాధిస్తారు. అపర కుబేర యోగానికి ఆస్కారం ఉంది.

వృశ్చికరాశి
వృత్తిపరంగా, సామాజికంగా హోదా పెరుగుతుంది. పై అధికారుల నుంచి ఆదరణ లభిస్తుంది. కుటుంబ సమస్యలు పరిష్కారమవడంతోపాటు స్థిరాస్తి విలువ పెరుగుతుంది.

మకర రాశి
శని దోషం తొలగిపోతుంది. కోరికలన్నీ నెరవేరతాయి. ఆర్థిక సమస్యలు పరిష్కారమవుతాయి. వృత్తి ఉద్యోగాల్లో ప్రాధాన్యం పెరుగుతుంది. ఆస్తులు సమకూరతాయి. ఇంట్లో శుభకార్యాలు జరగడంతోపాటు మాటకు విలువ పెరుగుతుంది.

కుంభరాశి
ఆర్థికంగా స్థిరత్వం వస్తుంది. రాదనుకున్న సొమ్ము చేతికి అందుతుంది. శారీరక, మానసిక ఒత్తిడి నుంచి బయటపడతారు. పెళ్లి, ఉద్యోగ ప్రయత్నాల్లో విజయం సాధిస్తారు. సమాజంలో గౌరవ మర్యాదలకు లోటుండదు.

మీన రాశి
ఏలిన నాటి శని ప్రభావం నుంచి విముక్తి కలుగుతుంది. ఆర్థిక వ్యవహారాలు చక్కబడటంతోపాటు ఆస్తి వివాదాలు పరిష్కారమవుతాయి. వారసత్వ సంపద కలిసివస్తుంది. దీర్ఘకాలిక అనారోగ్యం నుంచి ఉపశమనం లభించడంతోపాటు వైద్య ఖర్చులు తగ్గుతాయి. కోరికలు నెరవేరతాయి.

English summary

As the entire zodiac cycle comes under Saturn's rule, the planet's strength increases from the month of February. The main planets Mars, Venus, Mercury and Ravi enter Capricorn. Shani is in his own house Kumbha and aspects Guru