అత్యంత అరుదైన మహిమాన్వితమైన రోజు నేడు!!

ఈరోజు అత్యంత అరుదైన మహిమాన్వితమైన రోజు. ఈ రోజు కార్తీక సోమవారం. కార్తీక మాసంలో సోమవారానికి ఉండే ప్రత్యేకత అందరికీ తెలిసిందే. కార్తీక మాసం శివుడికి, విష్ణు మూర్తికి పరమ పవిత్రమైన మాసం. ఈ నెలలో ఎవరైతే అత్యంత భక్తి, శ్రద్ధలతో శివుడిని పూజిస్తారో వారికి శివ సాయుజ్యం లభిస్తుందని చెప్తారు . అలాగే విషువును ఎవరైతే భక్తితో పూజిస్తారో వారికి విష్ణు సాయుజ్యం లభిస్తుందని నమ్ముతారు.

అలాంటి ఈ పవిత్ర మాసంలో సోమవారం తో పాటు మరో విశేషం కూడా ఉంది.నేడు సోమవారం, మాస శివరాత్రి, ముఖ్యంగా కార్తీక మాసం. ఈ మూడు విశేషాలు ఒకే రోజు కలిసి రావటం నిజంగా భక్తులకు ఒక అద్భుత అవకాశం అనే చెప్పాలి. ఈ రోజు శివుడిని కొలిచిన వారికి వారి జీవితంలోని దోషాలన్నీ తొలగిపోయి, కష్టాలు నశిస్తాయని చెప్తారు. జీవితంలో ఉన్నతి లభిస్తుందని శివ పురాణం స్పష్టం చేస్తుంది.

ఈ రోజు ఉదయం తెల్లవారుజామునే లేచి స్నానాదులు పూర్తి చేసుకుని, ఉదయం ఇంట్లో భక్తితో శివుడిని బిల్వ పత్రాలతో పూజించాలి. శక్తి , అవకాశం ఉన్నవారు శివుడికి రుద్రాభిషేకం ఇంట్లో చేయిస్తే చాలా మంచిది. లేదంటే సమీపంలో ఉన్న ఆలయానికి వెళ్లి అయినా శివుడికి రుద్రాభిషేకం చేయించాలి.

ఇక ఈ రోజు ఉపవాసం ఉండాలి. ఆరోగ్యం సహకరించని వారు ఉపవాసం చేస్తున్నట్లయితే వారు పాలు, పండ్లు తీసుకోవచ్చు .ఈ రోజు ముఖ్యంగా సాయంత్రం సమయంలో అభిషేకం చేయించుకోవటం చాలా మంచిదని చెప్తున్నారు. ఈ రోజు శివారాధన, శివుడి కోసం చేసే ఉపవాసం, శివాలయాల దర్శనం భక్తులకు అఖండ కోటి పుణ్య ఫలితం ఇస్తుందని శివ పురాణం చెప్తుంది.

కనుక ఈ మహా మహిమాన్వితమైన సోమవారాన్ని శివుడి పూజకు కేటాయించి మంచి ఫలితాలు పొందాలని చెప్తున్నారు. ఇంకా దీనికి సంబంధించి బోలెడన్ని విశేషాలు శివ పురాణంలో ఉన్నాయి. ఈ కార్తీక మాసంలో శివ పురాణం చదివినా కూడా విశేషంగా ఫలితాలు వస్తాయి.

disclaimer: ఈ కథనం సాధారణ నమ్మకాలు మరియు ఇంటర్నెట్‌లో అందుబాటులో ఉన్న అంశాల ఆధారంగా రూపొందించబడింది. oneindia దీనిని ధృవీకరించలేదు.

English summary

Today is the rarest glorious day in the month of Karthika. It is very special that the month of Karthika is Monday, and at the same time today is the month of Shivratri.