ఇంట్లో వాస్తు దోషాలున్నాయని ఎలా తెలుస్తుంది?

ఇంట్లో వాస్తు దోషాలు ఉన్నాయో? లేదో? తెలుసుకోవడానికి కొన్ని స్పష్టమైన సంకేతాలు, లక్షణాలు మనకు కనపడతాయని వాస్తు నిపుణులు తెలియజేస్తున్నారు. మీ ఇంట్లో సానుకూల శక్తి తగ్గడం, ప్రతికూల శక్తి పెరగడం లాంటి పరిణామాలు చోటుచేసుకున్నప్పుడు ఈ కింద పేర్కొన్న విధంగా కొన్ని పరిస్థితులను మీరు ఎదుర్కోవాల్సి వస్తుంది. అప్పుడు వాస్తు నిపుణులను సంప్రదించి వారి సూచనలు, సలహాల మేరకు మార్పుచేర్పులు చేసుకుంటే ప్రశాంతంగా జీవించగలుగుతారు.

ఇంట్లోకి రాగానే అసహనంగా ఉంటుంది.
మనసు చాలా భారం అనిపిస్తుంది. అసౌకర్యం కలుగుతుంది.
కుటుంబ సభ్యులంతా అనారోగ్యానికి గురవుతంటారు.
ఒకేసారి కాకుండా ఒకరి తర్వాత ఒకరుగా ఇది జరుగుతుంది.
కారణమేదీ లేకుండానే భార్యాభర్తలిద్దరూ గొడవపడతారు.
నిద్రించే వేళలో భయం కలిగించే కలలు వస్తాయి.
ఎప్పుడూ కోపం, చికాకు, ఒత్తిడితో ఉంటారు.
నైరుతి దిక్కు, ఈశాన్య దిక్కుల్లో దోషం ఉండటంవల్ల ఇలా జరుగుతుంది.

ఎంత సంపాదించినా చేతిలో డబ్బు నిలవదు.
ఇంట్లో గడియారాలు ఆగిపోతుంటాయి.
వ్యాపారంలో నష్టాలు వస్తాయి.
చేసే పనులన్నీ చివరి నిముషంలో ఆగిపోతాయి.
ఉద్యోగంలో అనేక చికాకులు కలుగుతుంటాయి.
ఆగ్నేయంలో నీరు, ఉత్తరంలో భారీ వస్తువులు ఉండటంవల్ల ఇలా జరుగుతుంది.

ఇంటి గోడలపై పగుళ్లు రావడం, పైకప్పు నుండి నీరు లీక్ అవ్వడం
గోడలు తేమగా ఉండటం వాస్తు ప్రకారం మంచిది కాదు.
ఈశాన్య మూల ఎప్పుడూ శుభ్రంగా, వెలుతురుతో ఉండాలి.
అక్కడ చెత్తాచెదారం లేదా బరువైన వస్తువులు ఉంటే ఇంట్లో పురోగతి ఆగిపోతుంది.
ఇంట్లోకి సహజమైన గాలి, వెలుతురు రాకపోవడం వల్ల కూడా ప్రతికూల శక్తి పెరుగుతుంది.
ఇంటి ఆవరణలో ఉన్న మొక్కలు నీరు పోసినా ఎండిపోతుంటాయి.
లేదా వింతైన వాసనలు రావడం వంటివి జరుగుతాయి.
ఇలా జరిగితే ఆ ఇంట్లో సానుకూల శక్తి లేదని అర్థం.
ఇంట్లో 'ఉప్పు నీటితో' గదులను శుభ్రం చేయడం,
సాయంత్రం వేళల్లో కర్పూరం వెలిగించడం
ఈశాన్యంలో నీటి కుండను ఉంచడం వంటి
చిన్న చిన్న మార్పులతో సానుకూల శక్తిని ఇంట్లోకి ఆహ్వానించవచ్చు.. ఉన్నదాన్ని పెంచుకోవచ్చు.

English summary

Vastu: If the members of the house understand that there are defects, they will feel uncomfortable and irritated upon entering the house, suffer losses in business, and quarrels between husband and wife. These should be avoided by following the instructions of experts.