పేదలందరికీ ఇళ్ళ స్ధలాలు : చంద్రబాబు

హైదరాబాద్‌: తెలుగుదేశం పార్టీ నాయకత్వంలోని మహాకూటమి అధికారంలోకి వస్తే రాష్ట్రంలోని పేదలందరికీ ఇళ్ళ స్థలాలు ఇస్తామని తెదేపా అధ్యక్షుడు చంద్రబాబు నాయుడు హామీ ఇచ్చారు. భీంరావ్‌బాడ ప్రజలకు ముఖ్యమంత్రి క్షమాపణ చెప్పి, అక్కడే పక్కాగృహాలు కట్టివ్వాలని డిమాండ్‌ చేశారు. భీంరావ్‌బాడ ప్రజలకు న్యాయం జరిగే వరకు పోరాటాలు ఆపబోమని స్పష్టం చేశారు. శనివారం ఇందిరాపార్క్‌ వద్ద ధర్నాలో మాట్లాడారు.

నగరంలో పేదలకు ఇళ్ళస్థలాలు ఇచ్చిన తరువాతే ఆయా భూముల్ని ఇతర సంస్థలకు ఇస్తామని చెప్పారు. కాంగ్రెస్‌ సర్కారు చేసిన భూ కేటాయింపుల్ని రద్దుచేస్తామని తెలిపారు. కాంగ్రెస్ ప్రభుత్వం హయాంలో నగరంలో మధ్య తరగతి, పేద ప్రజలు నివసించదానికి వీల్లేని పరిస్ధితులు నెలకొన్నాయని చంద్రబాబు అన్నారు.