వైఎస్ కు సోనియా పిలుపు, దడ దడ!

హైదరాబాద్: ముఖ్యమంత్రి రాజశేఖరరెడ్డికి కాంగ్రెస్ అధిష్టానవర్గం నుంచి అత్యవసర పిలుపు వచ్చింది. వెంటనే ఆయన ఢిల్లీకి బయలుదేరి వెళ్ళారు. సత్యం- మేటాస్ మోసాలు, కుంభకోణాలు బయటికి రావడం, ఇందులో వైఎస్ ప్రమేయం, ప్రోత్సాహం ఉన్నాయని ఆరోపణలు రావడంతో కాంగ్రెస్ హై కమాండ్ కలవరం చెందినట్టు వార్తలు వచ్చాయి.

అక్రమాలను తాత్కాలికంగా పక్కన బెట్టినా, చంద్రబాబు నాయుడి నాయకత్వంలోని మహాకూటమి బలపడడం, అందులో టీఅర్ ఎస్ దాదాపుగా చేరడం హైకమాండ్ కు ఆందోళన కలిగించినట్టు తెలుస్తోంది. ఇతరులతో పొత్తులకు వైఎస్ ప్రయత్నించకుండా జగమొండిగా వ్యవహరించడం సోనియా గాంధీకి చికాకు కలిగిస్తోందని తెలంగాణ కాంగ్రెస్ నాయకులు చెబుతున్నారు.