రామరాజ్యం స్థాపిద్దాం: బాలయ్య

అనంతపురం: రాష్ట్రంలో కాంగ్రెస్ పార్టీని గద్దె దింపు రామరాజ్యాన్ని స్థాపించడానికి సహకరించాలని సినీ నటుడు బాలకృష్ణ ప్రజలకు పిలుపునిచ్చారు. వచ్చే ఎన్నికల్లో తెలుగుదేశం పార్టీని గెలిపించాలని ఆయన కోరారు. ఆయన ఆదివారం అనంతపురం జిల్లాలోని గార్లదిన్నె, పామిడి, గుత్తి ప్రాంతాల్లో రోడ్ షోలు నిర్వహించారు. పామిడిలో ఎడ్లబండి నడిపి కార్యకర్తల్లో ఉత్సాహం నింపారు.

అత్యుత్సాహం ప్రదర్శించిన అభిమానులపై ఆయన ఒక సందర్భంలో ఆగ్రహం వ్యక్తం చేశారు. అభిమానులు ఆయనకు అడుగడుగునా నీరాజనాలు పలికారు. బాలయ్య పర్యటనలో అపశృతి చోటు చేసుకుంది. డ్యాన్స్ చేస్తూ మహబూబ్ అనే వీరాభిమాని మృతి చెందినట్లు వార్తలు వచ్చాయి.