ఫ్యాక్టరీలో భారీ అగ్నిప్రమాదం

హైదరాబాద్‌: హైదరాబాద్ నగరంలోని సనత్‌ నగర్‌ పారిశ్రామికవాడలో ఆదివారం ఓ పరుపుల కంపెనీలో భారీ అగ్నిప్రమాదం జరిగింది. యూనీఫోమ్స్‌ ప్రైవేట్‌ లిమిటెడ్‌ అనే ఈ కంపెనీలో ఆదివారం మధ్యాహ్నం హఠాత్తుగా అగ్నికీలలు ఎగసి ఫ్యాక్టరీ మొత్తం అగ్నికి ఆహుతైంది. ఈ ఫ్యాక్టరీ పక్కనే రసాయన పరిశ్రమలు ఉండటంతో స్థానికులు ఆందోళన చెందుతున్నారు. సమాచారం అందుకున్న వెంటనే అగ్నిమాపక దళం వచ్చి మంటలను ఆర్పడానికి ప్రయత్నించింది. కంపెనీలో భారీ నష్టమే సంభవించి ఉండవచ్చని తెలుస్తోంది.