ప్రేమ వేధింపుల హోంగార్డుకు బుద్ధి
హైదరాబాద్: హైదరాబాద్ సమీపంలోని శంషాబాద్ ఎయిర్ పోర్టు హోంగార్డు వినోద్ రెడ్డిపై వేటు పడింది. ప్రేమ పేరుతో విజ్ఞాన్ కళాశాలకు చెందిన విద్యార్థినిని అతను వేధిస్తూ వచ్చాడని, దాంతో ఆ కళాశాల విద్యార్థులు అతన్ని నిలదీశారని చెబుతున్నారు.
హోంగార్డు వినోద్ రెడ్డి తనను నిలదీసిన విద్యార్థులపై మరో ముగ్గురు కానిస్టేబుళ్లు దౌర్జన్యానికి దిగారు. దీంతో వినోద్ రెడ్డితో పాటు కానిస్టేబుళ్లు గోపాల్, బాలకృష్ణ, రవీందర్ రెడ్డి సస్పెన్షనుకు గురయ్యారు. పోలీసుల దౌర్జన్యాన్ని నిరసిస్తూ విద్యార్థులు పోలీసు స్టేషన్ ఎదుట ధర్నాకు దిగారు. దీంతో పరిస్థితి ఉద్రిక్తంగా మారింది.
Comments
Story first published: Tuesday, February 3, 2009, 14:16 [IST]