• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

బిజెపితో పొత్తు లేదు: చిరు

By Staff
|

Chiranjeevi
హైదరాబాద్‌: భారతీయ జనతా పార్టీ (బిజెపి)తో పొత్తు పెట్టుకునే ప్రసక్తి లేదని ప్రజారాజ్యం పార్టీ అధినేత చిరంజీవి స్పష్టం చేశారు. కర్నూలు జిల్లాలో ప్రజా అంకిత యాత్ర చేపట్టేందుకు ఆయన మంగళవారం ఇక్కడి నుంచి బయలుదేరి వెళ్లారు. అంతకు ముందు హైదరాబాదులోని బేగంపేట విమానాశ్రయంలో కొద్దిసేపు మీడియా ప్రతినిధులతో మాట్లాడారు. తాము బిజెపితో పొత్తు పెట్టుకోనున్నట్లు వస్తున్న వార్తల్లో నిజం లేదని, అటువంటి అభిప్రాయాన్ని ఎవరైనా వ్యక్తపరిస్తే అది వారి వ్యక్తిగతమని ఆయన అన్నారు. తమది సెక్యులర్ పార్టీ అని, అందువల్ల బిజెపితో కలిసి పని చేసే అవకాశం లేదని ఆయన అన్నారు.

తెలుగుదేశం పార్టీ అధినేత చంద్రబాబునాయుడు విమర్శలపై తాను స్పందించబోనని ఆయన అన్నారు. సర్వే ఫలితాలను నమ్మాల్సిన అవసరం లేదని, ప్రజల మనోభావాల ప్రకారం సర్వే ఫలితాలు ఎప్పటికప్పుడు మారుతుంటాయని ఆయన అన్నారు. మూడు నెలల క్రితం చేసిన సిఎన్ఎన్ సర్వేను నమ్మాల్సిన అవసరం లేదని ఆయన అన్నారు. తన పర్యటనలకు విశేష స్పందన లభిస్తోందని, యువకులూ మహిళలూ తమ వైపే ఉన్నారని ఆయన అన్నారు. తెలుగువారు నివసించే పొరుగు రాష్ట్రాల్లో పోటీ దిగుతామని ఆయన చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X