ఆస్కార్ కి అంతా సిద్ధం
న్యూడిల్లీ: సినీ అభిమానుల సంబరాలు మిన్నంటే..ఆస్కార్ అవార్డు ప్రదానోత్సవానికి రంగం సిద్ధమైంది. మరికొద్ది సేపట్లో హాలివుడ్ తారల తళుకుబెళుకులతో కొడాక్ థియేటర్ వెలిగిపోనుంది. అవార్డు కోసం ఆత్రుతగా ఎదురుచూసే నామినీలతోపాటు చిత్రజగత్తులోని తారలంతా తమ వెలుగుజిమ్ములతో ప్రేక్షకులను కనువిందు చేయనున్నారు. ప్రతి ఏడాది జరిగే ఈ అవార్డుల ప్రదానోత్సవం ఈసారి మాత్రం భారతీయులకు ప్రత్యేకంగా మారింది. ఎన్నో ఏళ్లుగా భారతీయులు ఊరిస్తురిస్తున్న ఆస్కార్ కోసం ఇండియాకు చెందిన రహమాన్ మూడు నామినీలు పొందడం విశేషం.
అలాగే రహమాన్ కు ఆస్కార్ దక్కాలని ఆయన అభిమానులు దేశవ్యాప్తంగా పూజలు చేస్తున్నారు.కోట్లాది మంది భారతీయుల ఆశల్ని మోస్తూ ఆస్కార్ బరిలో ఆయన నిలిచారు. ప్రముఖ సంగీత దర్శకుడుగా ఉపఖండాన్ని ఉర్రూతలు ఊగించిన రహమాన్ ఆస్కార్ అందుకునేందుకు కేవలం కొద్ది అడుగుల దూరంలో ఉన్నాడు. అండ్ ద అవార్డు గోస్ టు ఎఆర్ రహమాన్ అనే పిలుపుకోసం కోట్లాది మంది ఎదురుచూస్తున్నారు.