ప్రచారం కోసమే జూ.ఎన్టీఆర్: చిరు

హైదరాబాద్‌: సినిమాల్లో ఉన్న ప్రచారం సరిపోకనే జూనియర్ ఎన్టీఆర్ రాజకీయ ప్రచారానికి వచ్చారని ప్రజారాజ్యం అధ్యక్షుడు చిరంజీవి విమర్శించారు. సినిమా గ్లామర్ ఎల్లవేళలా పని చేయదని ఆయన అన్నారు. హోళీ పండుగ ప్రజల జీవితాల్లో రంగు నింపాలని ఆయన ఆకాంక్షించారు. రాజమండ్రిలో తమ పార్టీ నిర్వహించిన బహిరంగసభలో పాల్గొని తిరిగివచ్చిన ఆయన బేగంపేట విమానాశ్రయంలో కార్యకర్తలతో కలిసి హోళీ సంబరాలు జరుపుకున్నారు.

అనంతరం మీడియాతో మాట్లాడుతూ తప్పుడు సర్వేలతో పీఆర్పీకి జనాదరణ లేదని చెప్పేందుకు కుట్ర పన్నిన శక్తులకు రాజమండ్రి సభ చెంపపెట్టులాంటిదని ఆయన అన్నారు. సినీ నటులను చూసేందుకే ప్రజలు వచ్చారని అంటున్నారని ప్రజలు తమ జీవితాలు గ్లామరస్‌గా ఉండాలని కోరుకోవటం వల్లనే తమకు మద్దతు ఇస్తున్నారని అన్నారు.