ఆయన కొడుకువేనా? బాలయ్యకు సవాల్

హైదరాబాద్: ఎన్టీఆర్ చివరి రోజుల్లో మాట్లాడిన వీడియో కేసెట్ లోనిది ఆయన వాయిస్ కాదంటున్నారని, ఆయన గొంతును గుర్తు పట్టలేని వారు ఆయనకు ఎలా పుట్టారని అనుకుంటామని ఎన్టీఆర్ రెండో భార్య లక్ష్మీ పార్వతి బాలకృష్ణకు బహిరంగ సవాల్ విసిరారు. ఈ విషయాన్ని ఆమె తనకు అనుకూలమైన ఒక టీవీ చానల్ కు చెప్పారు. ఎన్టీఆర్ కు ద్రోహం చేసిన వారు ఇప్పుడు ఎన్టీఆర్ ఫోటో పెట్టుకుని తిరుగుతున్నారని ఆమె ప్రశ్నించారు.

తెలుగుదేశం తరఫున ప్రచారానికి వెళ్ళవద్దని, చంద్రబాబు మోసానికి బలికావద్దని లక్ష్మీ పార్వతి గతంలో కోరిన విషయం తెలిసిందే. ఎన్టీఆర్ ను చంద్రబాబు గద్దె దింపినప్పటి నుంచి లక్ష్మీపార్వతిని నందమూరి వంశీకులు దాదాపు వెలివేసిన విషయం తెలిసిందే.

ఎన్టీఆర్ భార్య బసవరామ తారకం పేరు మీద ఏర్పాటు చేసిన క్యాన్సర్ ఆస్పత్రి భూమి భవనాల విషయంలో బాలకృష్ణకు, లక్ష్మీ పార్వతికి మధ్య న్యాయ యుద్ధం జరుగుతున్న విషయం తెలిసిందే. తన తండ్రి లక్ష్మీ పార్వతిని వివాహం చేసుకోలేదని, ఒకవేళ చేసుకున్నా ఆ పెళ్ళి న్యాయసమ్మతం కాదని బాలకృష్ణ కోర్టుకు విన్నవించారు.