బాలీవుడ్ నటుడు ఫర్దీన్ పై కేసు

ముంబయి: నకిలీ పత్రాలు సృష్టించికార్లను దిగుమతి చేసుకున్న ఆరోపణపై బాలీవుడ్‌ నటుడు ఫర్దీన్‌ ఖాన్‌ పై కేసు నమోదైంది. విదేశాల నుంచి తెప్పించిన లాండ్‌ క్రూయిజర్‌ కారుపై ఫర్దీన్‌ దిగుమతి సుంకాన్ని ఎగవేసినట్లు ముంబయి పోలీసులు తెలిపారు. ముంబయి ఆర్థిక నేరాల విభాగం ఇటీవలే కారును స్వాధీనం చేసుకుంది.

కారును ఎక్కడి నుంచి దిగుమతి చేసుకున్నారో, ఎవరి వద్ద కొనుగోలు చేశారో ఫర్దీన్‌ ను ప్రశ్నిస్తామని, ఆయన వాహనం ప్రస్తుతం తమ వద్దే ఉందని, ఛాసిస్‌ నెంబర్‌ గుర్తింపు పరీక్షలు నిర్వహిస్తామని ఆర్థిక నేరాల విభాగం అదనపు పోలీసు కమిషనర్‌ సంజయ్‌ సక్సేనా చెప్పారు.