హైదరాబాద్ చేరిన చంద్రబాబు

హైదరాబాద్: విదేశీ పర్యటన ముగించుకుని తెలుగుదేశం పార్టీ అధ్యక్షుడు నారా చంద్రబాబు నాయుడు శుక్రవారం హైదరాబాదు చేరుకున్నారు. పోలింగ్ ముగిసిన అనంతరం ఆయన విదేశీ పర్యటనకు వెళ్లారు. ఆయన శుక్రవారం సాయంత్రం నాలుగు గంటలకు హైదరాబాదులోని పార్టీ కార్యాలయం ఎన్టీఆర్ ట్రస్టు భవన్ కు చేరుకుంటారు. ఆ తర్వాత ఆయన అందుబాటులో ఉన్న పార్టీ నాయకులతో భేటీ అవుతారు.

ముఖ్య నాయకులతో ఆయన పార్టీ భవిష్యత్తుపై, ఫలితాల వెల్లడి అనంతరం అనుసరించే వ్యూహంపై చర్చిస్తారు. శనివారం నుంచి ఆయన వారం రోజుల పాటు నియోజకవర్గాలవారీగా పార్టీ నాయకులతో సమీక్షా సమావేశాలు నిర్వహిస్తారు. ఎన్నికల్లో పార్టీ కార్యకర్తలు, నాయకుల పనితీరుపై ఆయన ఈ సమావేశాల్లో సమీక్షిస్తారు.