నేటి మన్మోహన్ మంత్రులు వీరే

న్యూఢిల్లీ: డిఎంకెతో చర్చలు కొలిక్కి రాకపోవడంతో కొద్ది మంది మంత్రులు మాత్రమే శుక్రవారం సాయంత్రం ప్రమాణం చేయనున్నారు. కేబినెట్ ర్యాంక్ మంత్రులు మాత్రమే మన్మోహన్ సింగ్ తో పాటు ప్రమాణం చేస్తారు. 15 నుంచి 20 మంది మంత్రులుగా ప్రమాణం చేసే అవకాశం ఉంది.మన్మోహన్ సింగ్ తో పాటు పి.చిదంబరం (హోం), ప్రణబ్ ముఖర్జీ (ఆర్థికం), ఎకె ఆంటోనీ (రక్షణ), మురళీ దేవరా (పెట్రోలియం) ప్రమాణం చేసే అవకాశం ఉంది.

మానవ వనరుల అభివృద్ధి శాఖ మంత్రిగా కపిల్ సిబాల్, కమలనాథ్ ప్రమాణం చేస్తారు. కమల్ నాథ్ కు వాణిజ్య శాఖను గానీ విదేశాంగ శాఖను గానీ అప్పగించవచ్చు. సల్మాన్ ఖుర్షీద్, గులాం నబీ ఆజాద్, ఎస్ఎం కృష్ణ, డాక్టర్ కరణ్ సింగ్, హెచ్ఆర్ భరద్వాజ, వాయలార్ రవి మంత్రులుగా ప్రమాణం స్వీకారం చేస్తారు. మిత్రపక్షాలకు చెందిన మమతా బెనర్జీ, శరద్ పవార్ లు కూడా మంత్రులుగా ప్రమాణం చేస్తారు. ప్రఫుల్ పటేల్ కూడా మంత్రిగా శుక్రవారం ప్రమాణం చేస్తారు. ఎస్ జైపాల్ రెడ్డి, కిశోర్ చంద్రదేవ్ కూడా మంత్రులుగా ప్రమాణం చేస్తారు.

ఇదిలా వుంటే సోనియా గాంధీ, ఆమె రాజకీయ వ్యవహారాల సలహాదారు అహ్మద్ పటేల్ ప్రధాని మన్మోహన్ సింగ్ తో శుక్రవారం ఉదయం సమావేశమయ్యారు.