పూణేలో మరో స్వైన్ ఫ్లూ మృతి

పూణే: పూణేలో తాజాగా మరో స్వైన్ ఫ్లూ మరణం సంభవించింది. ఘోర్పాడేకు చెందిన 30 ఏళ్ల మహిళ స్వైన్ ఫ్లూతో మంగళవారం మరణించింది. దీంతో పూణేలో స్వైన్ ఫ్లూ మరణాల సంఖ్య 44 మందికి చేరింది. జిల్లాలోని మూడు విద్యాసంస్థల్లో స్వైన్ ఫ్లూ కేసులు నమోదయ్యాయి. శారదా ఫుల్పాటి అనే మహిళ సహ్యాద్రి మునోట్ ఆస్పత్రిలోని ఐసియులో చికిత్స పొందుతూ మరణించింది.

అమె ఈ నెల 12వ తేదీన ఆస్పత్రిలో చేరింది. ఆమెకు స్వైన్ ఫ్లూ సోకినట్లు సోమవారం నిర్ధారణ అయింది. ఒక సైనికాధికారికి కూడా స్వైన్ ఫ్లూ సోకినట్లు నిర్ధారణ అయింది. మూడు విద్యాసంస్థల విద్యార్థుల పరిస్థితి నిలకడగా ఉన్నట్లు అధికారులు చెప్పారు.