కర్జాయ్ కి పూర్తి మెజారిటీ

కాబూల్: అఫ్గానిస్తాన్ అధ్యక్ష పదవికి జరిగిన ఎన్నికల్లో హమీద్ కర్జాయ్ కి పూర్తి మెజారిటీ లభించింది. ఎన్నికల సంఘం బుధవారం తుది ప్రాథమిక ఎన్నికల ఫలితాలను విడుదల చేసింది. ఆగస్టు 20వ తేదీన జరిగిన పోలింగ్ లో కర్జాయ్ కి 54.6 శాతం ఓట్లు వచ్చాయి. ఆయన ప్రత్యర్థి మాజీ విదేశాంగ మంత్రి అబ్దుల్లా అబ్దుల్లాకు 27.8 శాతం ఓట్లు మాత్రమే వచ్చాయి.

ఎన్నికల్లో 38 శాతం మంది తమ ఓటు హక్కును వినియోగించుకున్నారు. దాదాపు 5.5 మిలియన్ వోట్లు పడ్డాయి. ఓట్లు వేసినవారిలో 42 శాతం మంది పురుషులు కాగా 38 శాతం మంది మహిళలు ఉన్నారు. నాలుగింట ఒక వంతు దాదాపు 1.5 శాతం ఓట్ల మాయ జరిగిందని ఇయు ఎన్నికల నిర్వాహకులు చెబుతున్న తరుణంలో ఎన్నికల సంఘం ఫలితాన్ని విడుదల చేసింది.