కడప జిల్లాకు వైయస్సార్ పేరు

హైదరాబాద్: కడప జిల్లాకు వైయస్సార్ పేరు పెడుతూ రాష్ట్ర ప్రభుత్వం సోమవారం సాయంత్రం ఉత్తర్వులు జారీ చేసింది. దివంగత నేత వైయస్సార్ ను గౌరవించే ఉద్దేశంతో ప్రభుత్వం ఆ మేరకు జీవో విడుదల చేసింది. కడప జిల్లాను వైయస్సార్ జిల్లాగా జిల్లా గెజిట్ లో ప్రచురించాల్సిందిగా ప్రభుత్వం కడప జిల్లా కలెక్టర్ ను ఆదేశించింది. దానిపై అభ్యంతరాలను, సూచనలను స్వీకరించాల్సి ఉంటుంది.

వైయస్సార్ గా పేరు పొందిన వైయస్ రాజశేఖర రెడ్డి సెప్టెంబర్ 2వ తేదీన హెలికాప్టర్ ప్రమాదంలో మరణించారు. కడప జిల్లా పేరును వైయస్సార్ జిల్లాగా మార్చాలని సెప్టెంబర్ 3వ తేదీన ముఖ్యమంత్రి కె.రోశయ్య అధ్యక్షతన జరిగిన మంత్రి వర్గ సమావేశంలో తీర్మానించారు.