సీనియర్ నాయకులతో చిరంజీవి సమావేశం

హైదరాబాద్‌: గ్రేటర్‌ ఎన్నికల్లో తమ పార్టీ తరఫున పోటీ చేసే అభ్యర్థుల పేర్లను ఖరారు చేసేందుకు ప్రజారాజ్యం పార్టీ అధ్యక్షుడు చిరంజీవి ఆ పార్టీ సీనియర్‌ నేతలతో సమావేశమయ్యారు. ఈ సమావేశంలో అభ్యర్థుల జాబితాతో పాటు ఎన్నికల్లో పొత్తులపై కూడా చర్చించే అవకాశం ఉన్నట్లు సమాచారం. ప్రజారాజ్యం, కాంగ్రెస్ పొత్తుపై ప్రాధమిక చర్చలు జరగడం, ఆ తర్వాత పొత్తు బెడిసికొట్టడం తెలిసిందే.

కాంగ్రెస్ తో పొత్తు విషయంలో ప్రజారాజ్యం నాయకుల్లో భిన్నాభిప్రాయాలు ఉన్నాయి. ఈ విషయంలో చిరంజీవి తన పరువును తాను తీసుకున్నారన్న విమర్శలు ఉన్నాయి. పాత బస్తీ మినహా అన్ని స్ధానాలకూ పోటీ చేయాలని నేటి సమావేశంలో కొందరు సూచించగా, పాత బస్తీలో కూడా పోటీ చేయాల ని కొందరు చిరంజీవికి సలహా ఇచ్చారు.