ఆ అంశం సున్నితమైనది: షబానా ఆజ్మి

అజాంఘడ్‌: వందేమాతరం గీతాలాపన అంశం అత్యంత సున్నితమైనదని ప్రఖ్యాత బాలీవుడ్‌నటి, రాజకీయ నాయకురాలు షబానాఆజ్మీ అన్నారు. దేశ శాంతిసౌభాగ్యాలు పదికాలాలపాటు పరిఢవిల్లాలంటే అసలా అంశాన్నే గోరంతలు కొండంతలు చేయకూడదని ఆమెగట్టిగా అభిప్రాయపడ్డారు.

అసలు ఇలాంటి సున్నితమైన విషయాలను రాజకీయనాయకులు మీడియావారు అదేపనిగా ప్రస్తావించకపోవడమే శ్రేయస్కరమన్న అభిప్రాయాన్ని వ్యక్తం చేశారు. తన సొంతగ్రామం మిజ్వాన్‌కు వచ్చిన షబానా విలేకరులతో మాట్లాడారు. వందేమాతరం గీతాలాపనపై చర్చలు.. ప్రతిచర్చలనేవి మతసామరస్యాన్ని దెబ్బతీస్తాయని అభిప్రాయపడ్డారు.