యుఎస్ ఎయిడ్ హెడ్ గా రాజీవ్ షా

వాషింగ్టన్: అంతర్జాతీయ అభివృద్ధికి చెందిన యుఎస్ ఏజెన్సీ అధిపతిగా అమెరికా అధ్యక్షుడు బరాక్ ఒబామా ఇండియన్ - అమెరికన్ రాజీవ్ షాను నామినేట్ చేశారు. ఈ ఏజెన్సీ ద్వారా అమెరికా సైనికేతర సహాయం అందిస్తుంది. ఈ ఎజెన్సీ అధిపతి పదవి గత కొంత కాలంగా ఖాళీగా ఉంది. ఒబామా నామినేషన్ ను అమెరికా కాంగ్రెసు ఆమోదించాల్సి ఉంటుంది.

అత్యంత ప్రధానమైన లక్ష్యాన్ని నెరవేర్చడానికి ఉద్దేశించిన యుఎస్ ఎయిడ్ ను ముందుకు నడిపించడానికి రాజీవ్ తాజా ఆలోచనలు, అంకిత భావం, స్ఫూర్తిదాయకమైన నేపథ్యం పనికి వస్తుందని ఒబామా అన్నారు. విదేశీ సంబంధాలను మెరుకు పరుచుకోవడానికి ఈ ఏజెన్సీ కృషి ఉపయోగపడుతుంది.