• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

పార్టీని కాంగ్రెసులో విలీనం చేయం: చిరు

By Pratap
|

Prajarajyam
హైదరాబాద్: తమ పార్టీని కాంగ్రెసులో విలీనం చేయబోమని, కాంగ్రెసులో తమ పార్టీని విలీనం చేసే ఆలోచనే లేదని ప్రజారాజ్యం పార్టీ అధినేత చిరంజీవి స్పష్టం చేశారు. కాంగ్రెసు బలహీనపడింది కాబట్టే తమ పార్టీని విలీనం చేయాలని కొంత మంది నాయకులు అడుగుతున్నారని, అయితే తాము అందుకు సిద్ధంగా లేమని ఆయన బుధవారం మీడియా ప్రతినిధుల సమావేశంలో అన్నారు. తమతో భావసారూప్యత లేకపోయినప్పటికీ హైదరాబాద్ అభివృద్ధి కోసం కాంగ్రెసుతో గ్రేటర్ ఎన్నికల్లో పొత్తుకు సిద్ధపడ్డామని, పొత్తు కుదరకపోవడం వల్ల తమకు నష్టమేమీ లేదని ఆయన అన్నారు.

కాంగ్రెసుతో తాము స్నేహపూర్వకంగా ఉన్నామనే మాటలో వాస్తవం లేదని, తాము ప్రభుత్వంపై పోరాడుతామని ఆయన చెప్పారు. ప్రజారాజ్యం పార్టీకి ఓటేయవద్దని తెలుగుదేశం పార్టీ అధ్యక్షుడు నారా చంద్రబాబు నాయుడు ప్రజలకు చెబుతున్నారని, తాము తగిన స్థానాలు గెలిచి చంద్రబాబుకు సమాధానం ఇస్తామని ఆయన అన్నారు. హైదరాబాద్ అభివృద్ధి అన్ని ప్రభుత్వాలు నిర్లక్ష్యం చేశాయని ఆయన విమర్శించారు. మంచినీటికి కూడా ఇబ్బందే ఉందని ఆయన అన్నారు. చిన్న పర్షం పడితే హైదరాబాద్ రోడ్లు నీటితో నిండిపోతున్నాయని ఆయన అన్నారు. అధిక ధరలతో ప్రజలు సతమతమవుతున్నారని ఆయన చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X