ఆ సత్తా ఇతర పార్టీలకు లేదు: రోశయ్య

హైదరాబాద్: గ్రేటర్ హైదరాబాద్ ను అభివృద్ధి చేసే సత్తా ఇతర రాజకీయ పార్టీలకు లేదని, అది కాంగ్రెసుకు మాత్రమే ఉందని ముఖ్యమంత్రి కె. రోశయ్య అన్నారు. గ్రేటర్ హైదరాబాద్ ఎన్నికల్లో కాంగ్రెసును గెలిపించాలని ఆయన ప్రజలకు పిలుపునిచ్చారు. గ్రేటర్ ఎన్నికల కాంగ్రెసు ప్రచార రథాలను ఆయన బుధవారం జెండా ఊపి ప్రారంభించారు. హైదరాబాద్ అభివృద్ధికి కాంగ్రెసు ఎనలేని కృషి చేసిందని ఆయన చెప్పుకున్నారు. ప్రజలు కాంగ్రెసుకు ఓటేసి సహకరించాలని ఆయన కోరారు.

గత ఐదేళ్లలో తాము చేసిన అభివృద్ధే కాంగ్రెసు పార్టీని గెలిపిస్తుందని ఆయన ధీమా వ్యక్తం చేశారు. ఇతర రాజకీయ పార్టీలు హైదరాబాదును తీర్చి దిద్దలేవని ఆయన అన్నారు. హైదరాబాద్ ప్రజలకు తాము సుఖమయ జీవితాన్ని అందిస్తామని ఆయన చెప్పారు.