గ్రేటర్ ఎన్నికల్లో చంద్రబాబు శంఖారావం

హైదరాబాద్‌: గ్రేటర్ హైదరాబాద్ ఎన్నికల కోసం వినూత్న ప్రచార వ్యూహంతో ముందుకు వెళ్తున్న తెలుగుదేశం పార్టీ అధ్యక్షుడు నారా చంద్రబాబు నాయుడు గురువారం గ్రేటర్‌ హైదరాబాద్‌ మున్సిపల్‌ కార్పొరేషన్‌(జీహెచ్‌ఎంసీ) ఎన్నికల ప్రచారాన్ని ప్రారంభించారు. గ్రేటర్‌ ఎన్నికల ప్రణాళికను విడుదల చేసిన టీడీపీ అధ్యక్షుడు అనంతరం ఎన్నికల ప్రచార శంఖారావాన్ని పూరించారు.

నిన్న చంద్రబాబు మాట్లాడుతూ, "టీడీపీ గెలుపు హైదరాబాద్‌ అభివృద్ధికి మలుపు. కాంగ్రెస్‌ గెలిస్తే మరింత వినాశనం. గ్రేటర్‌ పై మన జెండా ఎగరాలి" అని టీడీపీ అధ్యక్షుడు చంద్రబాబు నాయుడు పిలుపునిచ్చారు. కాంగ్రెస్‌ హయాంలో పేట్రేగిన అవినీతి, అరాచకం, దౌర్జన్యాల గురించి ఇంటింటికీ వెళ్ళి చెప్పగలిగితే హైదరాబాద్‌ ఎన్నికల్లో టీడీపీదే ఘన విజయమని చెప్పారు. పార్టీలోని ప్రతి కార్యకర్తా తానే పోటీ చేస్తున్నానన్న స్థాయిలో ఈ ఎన్నికల్లో గెలుపు కోసం శ్రమించాలని ఆయన పిలుపునిచ్చారు.