జార్ఖండ్ మాజీ సిఎం మధు కోడా అరెస్టు

రాంచీ: జార్ఖండ్ మాజీ ముఖ్యమంత్రి మధు కోడాను సోమవారం చాయ్ బసా పోలీసులు అరెస్టు చేశారు. ఎన్ ఫోర్స్ మెంట్ డైరెక్టరేట్ సమన్లకు ప్రతిస్పందించనందుకు పోలీసులు ఆయనను అరెస్టు చేశారు. కోట్లాది రూపాయల మనీ లాండరింగ్ కేసులో ఎన్ ఫోర్స్ డైరెక్టరేట్ సూచనలు మేరకు పోలీసులు మధు కోడాను అరెస్టు చేశారు. అరెస్టు చేసి మధు కోడాను రాంచీకి తరలించారు.

ఎన్ ఫోర్స్ మెంట్ ఎన్ని సమన్లు జారీ చేసినప్పటికీ మధు కోడా విచారణ నిమిత్తం హాజరు కాలేదు. జార్ఖండ్ శాసనసభ ఎన్నికలు ముగిసిన తర్వాత విచారణకు హాజరవుతానని మధుకోడా అంతకు ముందు చెప్పారు. చాయ్ బసా ప్రాంతంలో ఎన్నికల ప్రచారం చేయడంలో ఆయన మునిగిపోయారు. ఈ స్థితిలో ఆయనను పోలీసులు అరెస్టు చేశారు.