తెలంగాణపై బే ఏరియా ఎన్నారైల మీట్

హైదరాబాద్: తెలంగాణ రాష్ట్ర ఏర్పాటు డిమాండ్ ఉద్యమం ఊపందుకున్న నేపథ్యంలో అమెరికాలోని బే ఏరియా ఎన్నారైలు సమావేశమవుతున్నారు. ఈ సమావేశం శనివారం ఉదయం పదకొండున్నర నుంచి మధ్యాహ్నం రెండున్నర గంటల వరకు ఫెయిర్ ఓక్స్ వేస్ట్ అపార్టుమెంట్ (కబానా రూం), 655 సౌత్ ఫెయిర్ ఓక్స్ ఎవెన్యూ, సన్నీవేల్ సిఎ 94086 చిరునామాలో జరుగుతుందని దయానంద్ దుద్యాల ఒక ప్రకటనలో తెలిపారు.

తెలంగాణ కోసం జరుగుతున్న ఆందోళనలకు బేషరతుగా ఈ సమావేశంలో మద్దతు ప్రకటిస్తారు. ప్రాణాలు కోల్పోయిన విద్యార్థుల కుటుంబాలను ఆదుకోవడానికి విరాళాలు సేకరిస్తారు. ఆ సమావేశానికి తప్పకుండా హాజరు కావాలని దుద్యాల కోరారు. తెలంగాణ పెద్దలు 1969 ఉద్యమ అనుభవాలను వివరిస్తారని ఆయన చెప్పారు.