డిఎస్ సంతకం చేస్తారని ఆశిస్తున్నాం: చిన్నా

హైదరాబాద్: తాము జస్టిస్ శ్రీకృష్ణ కమిటీకి సమర్పించే నివేదికపై ప్రదేశ్ కాంగ్రెసు కమిటీ (పిసిసి) అధ్యక్షుడు డి. శ్రీనివాస్ సంతకం చేస్తారని ఆశిస్తున్నట్లు కాంగ్రెసు తెలంగాణ ప్రాంతీయ సమన్వయ కమిటీ (టిఆర్సీసిసి) కన్వీనర్ జి. చిన్నారెడ్డి చెప్పారు. చాలా కాలం తర్వాత ఈ కమిటీ సమావేశం బుధవారం కాంగ్రెసు పార్టీ కార్యాలయం గాంధీ భవన్ లో సమావేశమైంది. డిఎస్ ఆదేశాల మేరకే తాము సమావేశమైనట్లు చిన్నారెడ్డి సమావేశానంతరం మీడియా ప్రతినిధులతో చెప్పారు. తమ కమిటీని మరింత విస్తృత పరచాలని ఎఐసిసి కోరుతామని ఆయన చెప్పారు. ఈ నెల 22వ తేదీన తాము నివేదికను శ్రీకృష్ణ కమిటీకి ఇస్తామని ఆయన చెప్పారు.

తెలంగాణ సమస్యలపై తాము ఇక నుంచి పోరాటాన్ని ఉధృతం చేస్తామని ఆయన చెప్పారు. తెలంగాణ విద్యుదుత్పత్తి ప్రాజెక్టులపై బివోటిని విరమించుకోవాలని ఆయన ప్రభుత్వాన్ని కోరారు. బుధవారం జరిగిన టిఆర్సీసిసి సమావేశంలో శ్రీకృష్ణ కమిటీకి సమర్పించే నివేదిక ముసాయిదాపై చర్చించారు. దీనికి తుది రూపు ఇచ్చి శ్రీకృష్ణ కమిటీకి సమర్పిస్తారు.