చైతన్యం కోసమే బస్సు యాత్ర: కోదండరామ్

హైదరాబాద్‌: సరైన నాయకులు లేనందువల్లే తెలంగాణ ఉద్యమం బలహీన పడుతోందని జేఏసీ కన్వీనర్‌ ప్రొఫెసర్‌ కోదండరాం అన్నారు. ప్రజల్లో ఉద్యమాన్ని బలోపేతం చేయడమే బస్సు యాత్ర లక్ష్యమని ఆయన చెప్పారు. జేఏసీ తలపెట్టిన బస్సు యాత్రను గన్‌పార్క్‌ వద్ద జెండా ఊపి ఆయన ప్రారంభించారు. మూడు రోజుల పాటు సాగే ఈ యాత్ర హన్మకొండ చేరుకోవడంతో ముగుస్తుంది.

కాగా టీఅర్ ఎస్ ఎమ్మెల్యేలు రాజీనామాలు చేసిన స్ధానాలకు జులై నెలాఖరులో ఎన్నికలు జరుగనున్నాయి. టిఆర్ఎస్ ఎమ్మెల్యేలు ఏకగ్రీవంగా ఎన్నికయ్యేట్టు చూడడానికి ప్రయత్నాలు జరుగుతున్నా కాంగ్రెస్, టిడిపిలు పోటీలో ఉండే అవకాశాలు కన్పిస్తున్నాయి.